محاورات نسائيه خلدها الدهر !!!!!!!

وايضا ً

لقد شهدت مدينة الخبر فاليومين الماضيين محاوره شعريه نسائيه من الوزن الثقيل وامسيه شعريه على شرف سيدة الأعمال: البندري العنقري
التي اقامت احتفالاً ضخماً وقامت بدعوة عدد من الشاعرات ومن بينهن الشاعرة / أم سعود والشاعرة / المغترّه الآتي سبق وأقامن محاوره شعريه انتشرت على مستوى الإعلام بشتى انواعه وهي تعد اول محاوره نسائيه تقوم على صفوف كما تعودنا في ساحة المحاوره عند الرجال وها هن اليوم يعودن بمفأجئه للجمهور النسائي وهي محاوره بموال وكانت البدايه مع الشاعرة الكبيره / ام سعود وكان الرد من الشاعرة الكبيره / المغترّه

الشاعرة / أم سعود :

شفنا العجايب وأختلال الركايز
أمرٍ حصل فالمجتمع غير جايز
الشور ولى في يدين العجايز
لاوالله الا ضاع شور الرياجيل
****************
وش تقولين يابنت الرجال
العرب لخبطت فـ أوراقها
حطوا القوم من حمل الجمال
فوق متنٍ عجز يطّاقها

الشاعرة / المغترّه :
عز الله المستور بانت عيوبه
الحق تالي الوقت ضاعت دروبه
والقوم سروها بليلٍ غدوا به
لاوالله الا ضاع شور الرياجيل
****************
انفتح للخطا درب ومجال
صوب نفسٍ تسير ارزاقها
وش هواللي نقص راع العقال
يوم سيقت وهو ماساقها

الشاعرة/ أم سعود :
ياليتهم عن خافي العلم يدرون
عشانهم قدم المطمه يحذرون
لاتوخذ الحجه واهلها يشوفون
لاوالله الا ضاع شور الرياجيل
****************
كانها حجرت مابه جدال
صفعة ويل منهو ذاقها
اتمنى القمر يرجع هلال
والليــــالي تعود اعتاقها

ـــــــــــــــــــــــــ ـــــ

ـــــــــــــــــــــــــ ـــــــــــــ

الشاعرة / المغترّه :

لو الذيابه تلتف فــ الذيابه
الجوء زان وقفل الشربابه
ولاسيلت دم الأسود الذبابه
لاوالله الا ضاع شور الرياجيل
****************
جت حقيقه ولا ضرب الخيال
مزنـــــــةٍ هلها براقها
اللي اوكا ولاشد الحبال
لا انكفت قربته ماحاقها
ـــــــــــــــــــــــــ ـــــ

ـــــــــــــــــــــــــ ـــــــ

الشاعرة / أم سعود :

اللي على نفسه يجيب السبايب

راحت حيـــاته كلبـــوها نهــايب
يعنك ماله فــ العطايا وهايب
لاوالله الا ضاع شور الرياجيل
****************
البلاوي غدت في كل حال
نحّرت للضعوف اشناقها
مال كارول في حمل الثقال
جون اهلها ومن عشاقها

الشاعرة / المغترّه :

الكل مستغرب وأكيد متفاجي
يومني أنكر لبس مشلح وتاجي
والله لأنكر لو الي برج عاجي
لاوالله الا ضاع شور الرياجيل
****************
تبحث الرقط عن شق الرمال
وأمر الايدي هو اللي عاقها
ودي اني من صدوق الخيال
وأحجب الشمس قدم اشراقها

الشاعرة / أم سعود :

حنا نميّزها بعقل وبصيره
نبي قوانينٍ بستر وستيره
لكن خلوا هالسوالف قصيره
لاوالله الا ضاع شور الرياجيل
****************
ليت وطفه تفيق من الهبال
اتعبت بالفيافي ساقها
اللي اقبل يبا نطح الجبال
بشروا هامته بفلاقها
ـــــــــــــــــــــــــ ـــــ

ـــــــــــــــــــــــــ ــــــــــــــ

الشاعرة / المغترّه :

الشور عند الطيبين برزوا به
مهوب درب للمخادع مشوا به
أبديت رايي ماهرجت مغصوبه
لاوالله الا ضاع شور الرياجيل
****************
وصليها لـــذربين الفعال
قبل يومٍ تجف ارياقها
الدعاوي ترى فيها احتمال
تضوي البل على سراقها

صح الله لسان أم سعود والمغتره

عز الله ماقصرن