فكرة برج المليون رد .............!!!

ياللي بلا معنى وتنشد ولكن

هل معك تفسير ٍ ليا جاتك احلام ؟

ياللي تبى كل الحقايق معانا

اركد ولا تقبل بدون المهابة

انحاش لاشفت العرب ناوية شين

مادمت انا للخير والطيب ناوي

احكم كلامك وإن وقفت ارفع العين

والله يجّنبكم كثير البلاوي

وش هو سبب صدّتك يالباهي الزين

ماتدري إني ّ في زمانك فداوي

اصوّر المعنى في كل ّ التلاحين

وانته سوات الجذع لاجاك ذاوي

ارجع مع الشعّار للعلم تبيين

والا يجيكم في التماثيل كاوي

وانا ماني في حاجة ايّات تلقين

ولاتخم ّ الذيب دامه شفاوي

اهرب وانا والله دوا للملاعين

إذا الله أكرمني بكثر الحكاوي

اللي تجي متثبّتة بالبراهين

والضلع ثابت والعرب بالتساوي

واليا انطفت نيران بعض الدخاخين

فانا عرفت القرم دامه مخاوي

الذيب ماهو وجبة ٍ للثعابين

والجني ّ الاحمر يحصّل مداوي

والخاتمة من هو قدر قسوة البين

الا ّ اللذي قلبه من الحب خاوي

يااصحابنا ماقبل خللها

والقوم ندري عن عملها

لكنهّم لاجات شِكّة

محَد عرفها لاجهَلها


تبى الصراحة لانقلها

يمكن يعاني في فشلها

وانا معك في كل سِكّة

ادري عن القوم وبطلها

يامرحبا ترحيب صايب

يامحنيّة روس الذوايب

هفوا وراكم لاتجونا

حنا ّ رياجيل الصعايب


واليا نهضنا للطلايب

تبى تروّيكم سكايب

واللي مع العالَم نسونا

بكرة يجونا وانت غايب

يامرحبا لونك ولونه

ياصاحبي كونك وكونه

دوّر على اللي مايباتي

الا ّ معه فاللعب شونه


الراس عالي من متونه

وابى اقطف اللي يرجمونه

لكن ّ بعض الطايشاتي

معهم خبَل لاينشرونه

يامرحبا مثل واشوفك

لكن لانكسر كفوفك

انت من القوم الاشاوس

والعلم ثابي في رفوفك


وإن كان فتشنا كشوفك

الله يعلم عن ظروفك

مادهورك كود الوساوس

واحذر تكثّر في حلوفك

نكتشف مُر الحقيقة بعدما يفوت الأوآن ..

يامرحبا غبنا وجينا

وانت تعلّمت الكلاما

والسبك والحبك ونظاما

واظن ّ دينك خير دينا


إن كنت ضمن الرابحينا

جالك من المولى سلاما

والرجل مايحسب غلاما

وانا معك في كل حينا

بزود ياقوم الهجوس

ياللي لكم في كل ديرة

تاريخ يضوي كل سيرة

ولابكم شخص ً نحوس


وين العرب وين الجلوس

لاجاتكم قوما ً مغيرة

ماناشكم حبة شعيرة

سيفي حمى قبل البسوس

مساء الأنوار كيف اخواني واخواتي أتمنى الجميع ينعم في لبس العافيه
خالص تحياتي

الهنوف

يامرحبا ترحيبة منشورة

فالحلّة اللي فالزمن معمورة

حصون مبنية بساسها


انا ما اريد اللي يطافح زوره

والمقصد اللي تقصده وش دوره

إن جاتك الدنيا براسها

سبحان الله وبحمده عدد خلقه ورضى نفسه وزنة عرشه ومداد كلماته

خذاك الكِبْر في لّفات قوم الشرْك يامُنعاج

ولالَك كود مسرى الذيب بالديرة الخلاوية

رسَمت ْ أعتى المعاني / والقصايد جاتكم بعلاج

وقسّمنا بيوت الشعر بالطيب وسواسية

ولاتكسب سوى المنصب ولمحمّد سُرى معْراج

ماكّذبه الكتاب اللي يجيب أحلى معانيّه

وأنا بالدين لي كلمة ولي صولة ولي منهاج

ولا اتنكّر على الاصحاب حتى ّ في البجادية

ولكِن عِش ْ سلَيم الراي لايُلوى بك َ الكرباج

تخاف َ الله وآنا اغلى من عيون الهواوية

وأصون َ القلب للي ّ تسقي الخاطر غلا بإبهاج

واجيب الأصل واخلاقي تفيض بكل ّ حِبّيه

واذا الله سلّم فؤادي فانا مااخشى من الحجّاج

وانا دايم حسام وسيف بالروحات والجية

ياحوريّة وسَط جنة وياكنزين وسط ابراج

يحوش احلى اهتماماتك بطل مايعرف السيّة

واذا الله يسّر الخطوة فغيم مزوننا ثجّاج

وكل الكذب زايل والصحيح النيّة النيّة

ياسوبرا فالخط سوّت تهاويل

لانمّر السواق تسمع دبلها

تسري ليا الدايخ رضخ للبهاذيل

مايشتريها لو يقرقع هللها

طبلونها اشقر والنِمر بالمحاويل

لامرَّت الساعة يبين عجلها

ماكنها إلا صاقعات المخاييل

اللي روت من كل ربعة كملها

تشرف على القيعان بين المحاصيل

واشرف على التعشيق واحكم ولا الهى

وإن دبّس الوسمي غشيم ومهابيل

اشد عزم السوبرا في حللها

والمنظر اصلت من رهاف ٍ مصاقيل

متكاملة باذن الولي من خللها

وإن دست شديت التسارع ولا احيل

وابدي فطرقه ماارتضي عن بدلها

لاجيت فاضي ماانتحي للجماميل

وآطى على الوديان وانطح جبلها

منصاي من يكرم بطيبة وتكميل

لاجتْه بعض عيون يذرر كحلها

لاصب لي فنجال وأدنى المعاميل

يكرم ضيوفه فالخلا ماختلها

عساه يصلح طاب خير الرياجيل

فيه الشجاعة حازها واختزلها

يبدي مع العرّيف ويزيد تبجيل

كنزه ذهب والمستحين بخطلها

ماينكر ويرتاح مسلم بتنزيل

كل المكارم لمها واشتملها

كنه على الشدات طير الابابيل

من شجرة ٍ فيها الظلال ووصلها

من طيبة الجدان جيل ٍ عقب جيل

كنه خليّة نحل يقطر عسلها

ثم اطفي الموتر ولا انسى اي تشغيل

والله يشافي كل نفس وزللها