محاوره مستور العصيمي وشاعر هذيل (عبدالله المسعودي )

[align=center]
مـــــســـــتــــــور..

صدقونى.... ليا منـى هرجت..الصحيـح

..شفت عبداللة واقف لة علـى بـاب دار

لاحصل شى من قصدة........ولا مستريح
..كل ماشاف قبة..........قال هذى مزار

الــــمــــســــعــــودى

من يصـدق كلامـك يالبخيل....الشحيـح

..والبخيـل الشحـيـح يمدها..باليـسـار

احرم اللة عيونـك مـن عيـون المليـح

..تنـوى الصيـد وانتـة ماتحق..العيـار

مـــــســــــتــــــور

علم مثـل الحجـر ماهـو بسكر..يميـح

..وانت خير لك من درب الجحيد القـرار

يابن مستـور علمنـى وخلك....صريـح

..كيف تجحد كلام مثـل شمـس النهـار

الـــمــــســــعــــودى..

انت منت الطبيب اللـى يداوى..الجريـح

..انت مجروح فى نفسك وتكوى ...بنـار

مـن يعلمـك ياللـى بالسراير...تبـيـح

..تحسب ان القنا والسيف طبلـة وطـار

مـــــســـــتــــــور..

عذبتـك الليالـى ياللـسـان الفصـيـح

..كل ماشفتلك طير من العـش... طـار

اخر الوقت اظنـك فـى مصيبة..تطيـح

..يفقدونك هذيـل اهـل الكرم..والوقـار

الـــمــــســــعــــودى..

انت جتك النصيحة مـن عميـل نصيـح

..مار ماخذتها بيـن الضلـوع القصـار

ياعتيـبـة تـوحـو فاالعتيبى..يصـيـح

..كل ماشاف لمـة شـال ثوبة..واغـار


مـــــســـــتــــــور..

زندك اللى مـن اول كـان يقـدح قديـح

..والعشية مولـى مـا يجيلـة ..شـرار

شب نـارك تحـت قـدرك لعلـة يفيـح

..والـدلال المنحر..زيـدهـا بالبـهـار [/align]