ابي اشوف هذيـــل كيف ترد على موضوعي

السلام عليكم ورحمه الله وبركاته
الحقيقة موضوع جميل وحبيت اني اعلق على بعض النقاط الموجوده فيه
واضح انك يا اخ بيرق انسان تحب( تزعم) و(تفاخر) وهذا طبعا حق مشروع لك بما انك تنتمي لقبيلة مثل هذيل
كل الكلام اللي قلته تساؤلات أنت أجبت عنها في كلامك وكأنك كنت تفكر بصوت عالي واغلب المفاخر اللي ذكرتها وهي جزء قليل جدا من مفاخرنا تكفي هذيل فخر إلى عدة أجيال لاحقة .
أنت تتكلم عن نقطة مثل ( ليه الخالدي مثلا يفخر على ابن عمه الطلحي ) بصراحة انا ايضا لاحظت مثل هذه الاشياء واكتشفت إن السبب هو انه وبكل تواضع لم نجد قبيلة تستحق إننا نفاخر عليها( وانا هنا ماقصد قبيلة الطلوح )
وكل المهاترات التي تحدث بين أبناء العمومة هي في الغالب ظاهرة صحية وتحدث في جميع القبايل والهدف منها هو إشعال روح المنافسة بين أبناء العمومة لما فيه خير ورفعة القبيلة
النقطة الثانية : انه كل واحد ينهي اسمه بكتابه لقب الهذلي , انا اشوف انه مافيه داعي إن اكتب الهذلي اكتب الخالدي مثلا وين المشكلة والله لا انا ناقص والا اسم قبيلتي معيب وفي نهاية الامر انا هذلي بل بالعكس انا اشهر قبيلتي وخلي الناس تعرف وتتعلم بعدين انه والله الخالدي هذلي . على عكس بعض القبايل وانا لاحظتها كثير لمن يكون في ديرته وعلى سبيل المثال يكتب الحازمي واذا خرج خارج دياره يكتب الحربي , ليش الازدواجيه في الاسم الغير مبرره !!
النقطه الثالثه : اللي هي الانتشار الاعلامي لقبيلتنا وانه حقها مهضوم اعلاميا . انا احب اسئلك سؤال هنا ايش استفادت هذه القبايل من الانتشار الاعلامي اللي تسويه والملتقيات الثقافيه والمزايين؟ طلعوا سطح القمر يعني والاحرروا فلسطين كلها خساير وهياط على الفاضي يومين ثلاث وتنسى الناس السالفه ويبداؤن بتسديد الديون المترتبه عليهم جرا هذه الاحتفالات , ولا تقولي انه افراد القبيلة يلتم شملهم فيها وتزيد اواصر المحبة كل اللي يحضرون هذه الاحتفالات هم من كبار السن اللي يبغون يسولفون والا الشباب ماتشوف منهم احد!!
النقطة الرابعة : انك تبغانا نحط لنا رمز مكون من ارقام مثلا : (511) يا اخي انت تعرف ايش هي الكائنات الحية اللي تعطى رمز مكون من ارقام . الله اعز الانسان كرمه وجعل من حقوق الولد على ابيه إن يسميه باسم جميل تبغانا ننتكس على الفطرة ونسمي رياجيل باشناب بأرقام !!!!
النقطة الخامسه : اننا بنترك اسم قبيلتنا لطروش البحر على فكرة فيه من القبايل الكبيره اللي انت ذكرتها من اخذوا طروش البحر اسمائهم وهم كما تزعم في عز قوتهم ولو سالت ابن حميد كان افتاك في الموضوع اكثر
النقطة الخامسة : حكاية الشعر وما ادراك ما الشعر , اولا الشاعر الجيد ما احد يقدر يمنعه من الانتشار الا اذا كان الشعر اللي يقوله أي كلام . اما شاعر المليون هايطت فيه القبايل وقومت الدنيا ماقعدتها وبالنهاية البيرق راح الدوحة . ولاحتى حق التصويت ومتابعة الحلقات قاللك قطر أكثر من السعودية!!!؟؟؟؟ من الآخر برنامج لا راح يقدم ولا يؤخر في مكانه هذيل.

أخيرا أتمنى إني اوضحت لك جزء من تساؤلاتك , وترى ياولد عمي وهذي خذها نصيحة لو مالك الا اسم الهذلي تراه يكفيك فخر الين تموت .

أخوك / الخالدي الهذلي


هذيلي ماحنيت الراس لـ غير الخالق الرحمن ،، هامه من هذيل العز خسى الذل يحنيها