في العقد التاسع من العمر

[frame="1 50"]

السلام عليكم ورحمة الله وبركاته



يا ترى هل تعرفون في اي بلد يوجد الاسلام الصحيح جلس
ابو مشاري .و ابو تركي بعد صلاة الفجر على سفح احد الطعوس في القصيم يتناقشون في امور الدنيا و الحال اللي وصل له العالم و الخراب و الدمار و و و طبعا ابو مشاري و ابو تركي في العقد التاسع من العمر

يعني بالعربي حرف السين ملغي عندهم و استبد لوه بحرف الثاء والله

العالم انه نص حروفهم ثاء المهم ..

ابو مشاري يقول: شفت يا بو تركي

وش صاير بالدنيا خراب و دمار و زلالزل و حروب و فياضانات اللهم يا كافي

ابو تركي:

اي والله صدقت ...هذا من قل الدين وانا اخوك

ابو مشاري:

انا اشهد انك قلتها ولا امريكا و اوروبا ما فيها ريحة

الاسلام...الاسلام في الدول الاسلامية بس.

ابو تركي:

اي والله صدقت بس تدري ترى مهوب كل الدول الاسلاميه يطبقون الاسلام صح يعني

ماليزيا و سنغافورة و اندونيسيا محسوبة انها اسلامية و كلها مراقص و

خرابيط. الاسلام وانا اخوك في الدول العربية بس.

ابو مشاري:

اي والله صدقت بس تدري ترى حتى الدول العربية ما تطبق الاسلام صح شف

سوريا و مصر و لبنان يقولون مسلمين وكلها مصاخة و بارات و كنايس و

خرابيط الاسلام الصح في دول الخليج بس.

ابو تركي:

اي والله صدقت بس تدري ترى حتى دول الخليج لك عليهم شف البحرين و قطر

والامارات فيها مراقص و خمر والكويت متفتحين بزيادة وعمان حريمهم

يسوقون تكاسي لا لا لا لا وانا اخوك الاسلام الصح تلاقيه في السعودية

ابو مشاري:

اي والله انك صادق بس تدري حتى السعودية فيها و فيها

شف اهل الشرقيه و الغربية كيف متفتحين و متاثرين باللي حواليهم

الاسلام الصدقي تلاقيه في نجد

ابو تركي:

اي والله صدقت لكن ترى حتى الرياض خربت و تفتحوا الناس فيها و يسافرون و مجمعات و اسواق

اذا تبي تشوف الدين صح تراه عندنا في القصيم و بس

ابو مشاري:

اي والله صدقت بس ترى مهوب كل القصيم شف عنيزة ...عيالهم يتتنون

(يدخنون) و يقلدون اهل الرياض و حالتهم حاله الاسلام يا بو تركي

عندنا في بريده و بس.

ابو تركي:

عز الله انك صدقت الدين هنا في بريدة بس تدري ترى مهوب كل بريدة ترى فيها حواري فيها ناس ما يصلون و انت ابخص فيهم مثل بيت ابو عبدالله و ابو عبدالمحسن...لا

تخليني اتكلم الاسلام عندنا في حارتنا بس

ابو مشاري:

اي والله انك صادق بس ترى حتى في حارتنا شف بيت ابو مقرن عياله ما يصلون و

يسافرون الصيف تبي الصدق الاسلام الصدقي تلقاه فيني و فيك يا بو تركي وبس.

ابو تركي<< (و هو يناقز فرحا)

اي والله اي والله انك صادق صادق

>> (شوي و تخمد فورة ابو تركي و حط يده على لحيته و قال): بس

تدري يا بو مشاري حتى انت ساعات تجي للصلاة متأخر و ما تخشع [/frame]

اتمنا لكم الفائدة والمتعة

وعليكم السلام ورحمة الله وبركاته.
أستاذ علي المعطاني ..
بصراحة حوار في غاية الأهمية ...
وقرأته من جوانب عدة ....

والحمد لله فالدنيا لا زالت بخير بعيدا عن تصورات البعض للإسلام .
فلإسلام دين رحمة وتسامح ..

حفظك الله .

الله يعطيك العافيه يا علي موضوع رائع

جميل جدا ً يا علي هذا النقاش الرائع

وجمال الطرح


تقبل مروري

سلمت يمناك العطره
وتقديري لشخصك الكريم

	المشاركة الأصلية كتبت بواسطة مشعل الهذلي

	وعليكم السلام ورحمة الله وبركاته. أستاذ علي المعطاني .. بصراحة حوار في غاية الأهمية ... وقرأته من جوانب عدة .... والحمد لله فالدنيا لا زالت بخير بعيدا عن تصورات البعض للإسلام . فلإسلام دين رحمة وتسامح .. حفظك الله .

هلا بالغالي .. انت لا تقول شي .. !

مجرد مرورك بالموضوع .. تكتمل مشاركتي

تقديري واحترامي لشخصك الكريم

	المشاركة الأصلية كتبت بواسطة السرواني الهذلي

	الله يعطيك العافيه يا علي موضوع رائع

الله يعافيك .. وصدقني مواضيعك ما تفوتني .. ولكن اعذرني على التقصير

	المشاركة الأصلية كتبت بواسطة عز الرفيق

	جميل جدا ً يا علي هذا النقاش الرائع وجمال الطرح تقبل مروري

مرورك تاج على راسي

تسلملي يا عز الرفيق

	المشاركة الأصلية كتبت بواسطة شهد

	سلمت يمناك العطره وتقديري لشخصك الكريم

ومن قال يسلم ..

اتمنا الفائدة لكِ ولي .. لا تحرميني مرورك وتعقيبك

اخوك علي