وش أخبار القصيد

هذه من قصايدي الأخيره

أتمنى أن ترقى إلى ذاقتكم



[poem=font="Arial,5,,normal,normal" bkcolor="" bkimage="backgrounds/7.gif" border="groove,1," type=1 line=0 align=center use=ex num="0,"]
على صوت الحنين اللي سكن جوف النحر مستور =كتبتك لين تعبني العذاب وثقلت أوزاره

أمانه لو بقى للعشق بيت امن القصيد يثور =تعالي ننبش إحساس القصيد وناخذ أخباره

نويت أفتح معاك أوراق شاعر ما طلع للنور =قضى عمره تحت عتمة غيابك يكتب أشعاره

قبل للموت ياخذني بخلّد للغرام سطور =وأسجلها على صرح السنين وتنطق أسواره

صحيح الحب ياخذنا على دربه بدون شعور =كذا من غير ما نحسب حساب لتالي أسفاره

تبعته والندى يقطر على غصن الجفا والجور =ولا شكيت لو لحظه تكون أغصان غداره

عمت عيني ولا شفت الحقيقه وارتضيت الزور =وراح القلب يمشي بي ولا أدري وين مشواره

صدقت بغلطة العاشق وحبيتك وأنا معذور =مكانك داخل ضلوع الغلا تشتب لك ناره

كأنك من تبسمتي سهيت وجيت لك مسحور =ومدت لي يمينك كذبة العشاق مختاره

وغبتي وابتدا ليل الحقيقه بالعقول يدور =وتاره ينكشف كذبك وقلبي ينخدع تاره

متى بيت الظلام اللي سكنته يبتسم بالنور =وأشوفك يا بعد كل الصدود بليلة زياره

فقدتك من شهر تسعه وعديتك ثلاث شهور =وحال الحول ما جتني على ميعادك بشاره

كفايه ما مضى واللي بقى لا يلحق المهدور =ترى غصن الحنين اللي بصدري ذبلت أزهاره

تعالي نختم القصه ترى قبر الغلا محفور =كفايه نتبع أوهام الغرام ونرسم اوطاره

وش المكسب من الحب العقيم وصاحبك مغرور=تعالي ندفنه عقب العذاب ونسدل ستاره

وأبارك للورق وأقول يا بيت القصيده ثور=وش أخبار القصيد اللي على خبرك وش أخباره[/poem]


دمتم بخير

ها الله ها االله أخوي هشــــام ســــلمت يمينكـ

وصــــــ ألســانكـ وعلااااا عشــــــــانكـ ــــــح

قصيده في غايه الروعه . ناســـــبت ذوقي جداااا

اللـــه يســــعدك وعن الشـــــر يبعدكـ . آآآآآآمين

القصيده ككل رائعه جدا جدا جدا ولكن عنــــــدي

هذا البيت قد أعجبني كثيرا.

متى بيت الظلام اللي سكنته يبتسم بالنور
وأشوفك يا بعد كل الصد ( ود ) بليلة زياره

وتقبل فائق احترامي وتقديري وإعجابي .

ابداع يا ابو سعود


صح لسانك يا شاعرنا






تحياتي ,,,

ماذا عساني أن أقول أو أعلق على هذه القصيدة لاأعلم بحثت في أرشيف الكلمات وبحثت ولم أجد فيه مايستطيع أن يعبر عن مدى إعجابي بهذه الرائعة من شاعرنا الرائع والمبدع هشام الهذلي .
عندما تجد قصيدة بعنوان شاعرها هشام الهذلي فلاتتردد بالدخول والإستمتاع بطعم الشعر الحقيقي وهذه والله ليست مجاملة إنما هي الحقيقة .
صح الله لسانك يابو سعود وننتظر بكل شغف جديدك والله يعطيك العافية .

صح لسانك يالغالي

ابداع منقطع النظير

ولا هي غريبه عليك يا مبدع

تقبل مروري يالغالي

السلام عليكم ورحمة الله وبركاته.
لا والله تبي الصدق هذا الشعر الي يحرك المشاعر والأحاسيس.
أستاذي هشام الصراحة حسيت بالدهشة من جودة التركيب وترابط المعنى وجمال الأسلوب.
الله يعطيك العافية...
وننتظر جديدك..

أخوي أبو جنوب

أشكرك على الكلام الكبير اللي قلته

وأشكرك على المرور

وصح الله بدنك ولا هنت أخوي

أخوي أبو سعد

سلمت يا مراقبنا

والله لا يهينك

وصح بدنك

كفيت ووفيت

أبو حمدان

مرورك الكريم يكفي عن كل الكلمات الله لا يهينك

صح بدنك

وسلمت أخوي

أبو بسام

هلا وغلا

وصح بدنك

ومرورك له ثقله كيف ما أتقبله

الله لا يهينك


أستاذي مشعل الهذلي

طالما هذه المتواضعه ناسبت أمثالك

فأنا أعتبر هذا وسام شرف أعلقه على صدر

تجربتي الشعرية

مشكور على مرورك الكريم

وبارك الله فيك

صح لسانك

وبيض الله وجهك قصيده جميله

ولكن انتظر منك ومن باقي الشعراء المزيد خصوصاً

في باب الفخر والحماسة لاني متعطش لسماع هذا النوع من القصائد

ولك فائق اعجابي على التركيب الرائع في القصيده

صح بدنك أخوي أبو سلمان

ومشكور على المرور

معقولة لم أمر منهنا
؟!!


ولكن الجمال

يجبرك على البحث

**
نويت أفتح معاك أوراق شاعر ما طلع للنور


قضى عمره تحت عتمة غيابك يكتب أشعاره
**

أخي هشام

قصيدة رائعة كروعة شاعرها

اسفي أني يوما ما لم أمر من هنا

تحياتي

[poem=font="Arial,5,#4169e1,normal,normal" bkcolor="" bkimage="" border="none,1," type=1 line=0 align=center use=ex num="0,"]
بسم الله الرحمن الرحيم



الله الله الله الله فن وابداع


ابو سعود صح لسانك ولا هي غريبه عليك

بس لماذا مخبي هذا الابداع الى الان

صراحه وبدون مجامله






















































من اروع القصا ئد التي اطلعت عليه بهذا المنتدا واعجبتني شخصيآ واعجبت الكثير

على صوت الحنين اللي سكن جوف النحر مستور
كتبتك لين تعبني العذاب وثقلت أوزاره[/poem]

صح لسانك اخوي هشام قصيده في غاية الروعه والجمال تحرك الشعور وتترك الواحد محله يلف ويدور يعطيك العافيه والله

ياسلام ياسلام على الفن

صحيح نزلت القصيدة سابقاً وجاءت متأخرة مشاركتي لكن مادرينا بها إلا لما رفعها عز الرفيق الله يعزه دنيا وآخره

رائعة ياهشام ومتفردة في جمالها وجودتها صحّ لسانك والله يعافيك


تبيعني هالبيت

كفايه ما مضى واللي بقى لا يلحق المهدور
ترى غصن الحنين اللي بصدري ذبلت أزهاره



..

الحب عذاب وداخل سطور القصيده نار نار ورجعتنا لايام زمان والله يكون في عون العاشقين وصح لسانك

ماشاء الله عليك ياهشام
لساع قلبك أخضر
قصيده قمه في الروعه
صح لسانك يا أبو سعود
والله يعطيك العافيه