غزل جديد يالربع

قالوا تغزَّل


[poem=font="Arial,6,#00008b,bold,normal" bkcolor="" bkimage="" border="none,1," type=1 line=0 align=center use=ex num="0,"]
قالوا تغزَّل قلت أنا أحب بالحيل=حبٍ عفيف وحب شيءٍ مباحي
أحب أنا بالحيل صُفر المعاميل=وأحب ريح الهيل لا من فاحي
وأحب صَفرا تنسكب فالفناجيل=وياما حلا نجرٍ يلجْ الصياحي
وأحب أنا من الناس ذبَّاحة الْحِيل=أهل الكرم والجود وأهل النصاحي
وأحب أنا المسيار بَرْضٍ بها سيل=وأحب أنا من الزهر زهر الأقاحي
وأحب أنا ركَّابة الهجن والخيل=وأحب فرسان ٍ تهز الرماحي
وأحب أنا المجلاس عند الرياجيل=أهل السوالف والعلوم الملاحي
ويَّاهم أسهر واتعلل تعاليل=حتى ولو طال السَّهر للصباحي
ما مَلْ جلستهم نهارٍ ولا ليل=ولاشك ما لي في سواهم صلاحي
ولا أحب أنا الثرثار بالحيل بالحيل=ولا أحب رجَّالٍ كثير اللحاحي
ولا حب أنا نقَّالة القال والقيل=ولا أحب ناسٍ ينكشون الجراحي
ولا أحب أنا من حبني حب تمثيل=حب الغشش لاشك سمٍ ذحاحي
ولا أحب أنا المسيار يم المهابيل=حتى ولو قُلِّدْت منهم وشاحي [/poem]



شعر/ عميِّر بن عويمر السويدي اللحياني

احب شعر(ن) تنظمه ربعي هذيل ****** هذا كلام الصدق ماهو مزاحي



انا اشهد انها قصيده كايفه

صح لسان بن عويمر وبيض الله وجهه

والف الف شكر على النقل يافارس بني لحيان وهذيل كلها

صح لسان الشاعر بيض الله وجهه قصيده جزله من شاعر جزل


ومشكور على النقل الطيب .



تحياتي .

صح لسانك

السلام عليكم ورحمة الله وبركاته

جزلة أخوي اللحياني ..
وصح لسان الشاعر عمير ..

وياليت نعرف أكثر عن هذا الشاعر ..
إن سمحت ..

ولا أحب أنا من حبني حب تمثيـل
حـب الغشـش لاشـك سـمٍ ذحاحـي

حفظك الله ..

وانااحب الى تحبه ياعمير اللحياني وصح لسانك

	المشاركة الأصلية كتبت بواسطة راعيها

	وانااحب الى تحبه ياعمير اللحياني وصح لسانك

وانا معك ياراعيها وصح لسانك ياعمير

صح الله لسان أبو طارق و تسلم على النقل يا فارس بني لحيان

هذا الحب والا بلاش والله علوم غانمة
ماشاء الله على شاعرنا عمير بيض الله
وجهه وصح الله لسانه كأنه يتحدث عما
في نفسي سبحان الله ،
مشكور أخوي فارس على النقل الرائع والله يعطيك العافية .

[align=right]أشكرك أخي فارس بني لحيان على نقل هذه القصيدة الجميلة و التي حازت على استحسان كل من قرأها .

بالنسبة لتساؤل أخينا مشعل الهذلي عند قوله :

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته وياليت نعرف أكثر عن هذا الشاعر .. إن سمحت .. ..

الأستاذ / عمير بن عويمر هو أحد شعراء لحيان و كاتب في منتدى قبيلة لحيان .

كما أنه مؤلف كتاب ( لحيان عبر التاريخ ) و له ديوانين من الشعر بعنوان : ( بين الكَرَم و عصامي )

و لمعرفة المزيد يمكنك زيارة موقع منتدى لحيان و أخشى أن يُفهم حديثي على أنه دعاية للمنتدى :)

و أرجوا أن أكون أجبت على سؤالك بشكل مختصر و موضح .

و شكرا ً .[/align]

بيض الله وجهك يالفارس


وقصيدة جزلة من شاعر جزل

الشاعر عمير بن عويمر اللحياني

شاعر كبير

بلغة من التحية والسلام


وننتظر منك كل جميل

تسلم يمينك يا فارس بني لحيان ومشكور على هذا النقل المميز

واما القصيده من شاعر لا يعلا عليه استاذ وناقد ونتمنى ان نستفيد جميعاً من قصايده
وهو مدرسةٌ للشعر واما القصيده رائعه جداً ...........

تقبل مروري يابن العم