دارة رجز مباشر (سلمان الندوي و شباب )

الله يحييك ياقرناس بني ياس وجهك ابيض مرحبابك

الله يا مطيب علومك مير دوّر مستجلّه
تاطى على راس الحنش والسم الازرق في اللساني
انتم وردتم يارفاقه مير جاء في العد قلّه
افهم علومي والا انا فاهمك ما ابغى ترجماني

ماشاء الله تبارك الله..


.
.
بالتوفيق لشعارنا..
.
.
واتمنى ان يكون الالتزام على الحرف في رجزه واحده وردها..
ومن ثم تغير الحرف..
.
.
حتى لاننتقل من فن الرجز الى فن المحاوره ..
كما اتمنى تعديد الطروق..
.
.
بالتوفيق للجميع..

.
.
احترااامي

الله يامطيبك ياسلمان والدنيا مملة

والداب الاسود بي سمومه مير فالدنيا يعاني

محْد ٍ طلب منكم شهادة والعلالي مستقلة

فاهمك يوم انك شردت ولاتريد الاولاني

عبدالرحمن بن مساعد كان سجلت ياشيخ طيب في فرق بين المحاورة والرجز الله يصلحك ويبارك فيك

	المشاركة الأصلية كتبت بواسطة شباب

	عبدالرحمن بن مساعد كان سجلت ياشيخ طيب في فرق بين المحاورة والرجز الله يصلحك ويبارك فيك

الله يسعدك ياشباب..
والله عارف انه فيه فرق..

بس الظاهر انك مافهمت قصدي..
على العموم ماودي أغير مسار الموضوع من رجز الى مسار نقاش..
.
.
ومسألة اني أسجل او مااسجل..
هذا شي راجع لظروفي..

وباذن الله اذا زانت الظروف راح اجي واطلب احد الشعراء..
.
.
احترامي للكل

الله يحييك عرفنا بالاوزان في التسجيل ليش نكرر ياخي لنا الحرية في القوافي

زادت حمولك ياجمل لكن شيل الحمل شلّه
واصبر على مس الحقب واصبر على مس البطاني
شباب شب النار نبغى ليلنا روقه وفله
بغيت اجنبها لكن الله بالاصحاب ابتلاني

الله يبقيك شباب

تواجدكم مشرف

صحت الألسن

نص الجمال محملة بالحمل واسمع للأدله

اصبر على جمر الغضا والجهد فالماقف عياني


شباب غنى من هواجيسه ومشيه حسب دله

الله يجنبنا السلع يهل السلع من تايواني

حيالله ابورديد وجميع المتواجدين

الليل يامرتجزة
بيض الله وجوهكم
دارة حامية الوطيس
أعذروني على التأخير
لكن( ليلة خميس )
معكم للصبح

الله يحييك ياغازي ويبارك فيك

سمعت لي ذيباً عوى لكن جاء ذيباً عوىً لّه
والظاهر انه حد نابه واحذروا يا اهل المقاني
ترى الهدف فوق الجبل واللي يبى العليا يصلّه
وان كان ماياصل حصانك فمّا انا ياصل حصاني

بارك الله فيك ياسلمان انتهى الوقت المحدد مسبقا ً

ان شاء الله المقبلات اكثر والشكر لجميع المتواجدين