دارة رجز بين قشيمع الندوي وحجيج الجحدلي ...

قشيمع الندوي:

يا مرحبا باللي تمد وفاها
ضوت بعزه ووفانا جاها
تقدر على الطولات واحنا نقدر
من دور العليا لقي مبناها
والكلمه ما تقبل بلا معناها
واللي يقدم وافيه مايخسر

حجيج الجحدلي:

سلام رديّه جديده
ياهل القرى القوم العنيده
دايم فعايلها وكيده
ندري وكل الناس تدري
الليله الفرصه سعيده
والعرش ونجومه بعيده
مير القمر ما راح سيده
ولا طلع مبداه بدري

قشيمع الندوي:


يامرحبا على فراش اللي يغلق كل باب
ارسى وباشر بالوفاء وعزوته تحمي جنوبه
وضيفنا عن سلكة الزلات نحسب له حساب
نكمله حسب الطلب ولا تكلفنا وجوبه

حجيج الجحدلي:

بقيت ياللي كلمته دبرها
وناطح الصخره ولا عورها
واحنا تجنبنا المرافسه
جينا بلزمه زاهياً منظرها
حمرا سمينه والعرب تبصرها
يكون من عينه مطلمسه

قشيمع الندوي:

يامرحبا حياكم الله يالضيوف الغانمين
والضيف في دبره معازيبه ويعرف ما ينوبه
ترى الاخيره ياحجيج عند رب العالمين
تمشي الحساني بالحساني والحذر ياخذ وجوبه

حجيج الجحدلي:

عساك سالم ياقشيمع ياعمى عين الطليب
خل المعاني مستقيمه مثل دربك يم مكه
احنا الهلال اللي منور فوق راسك ما يغيب
ولي هرجنا هرج واقع ما من المجنون فكه

قشيمع الندوي:

يامرحبا هل الهلال وهللوا ياحاضرين
حيث أن جن الارض عادتها مع التهليل تذهب
انتم ضيوف الله وحنّا بوافكم قادرين
لكن نبغي الطيبه والطيبه للناس مكسب

حجيج الجحدلي:

سلام رديّة وفاء تنصا المقابل والجميع
ما نسفه الجمهور نعطي كل حاضر واجبه
ماني بعاصي لا اخصم الشعار وبطاني وسيع
لكن قشيمع مس له حبلاً يبقطع غاربه

قشيمع الندوي:

يامرحبا ياشاعراً ما انته ذليل ولا كليل
لكن عبر عن شعورك قبل تتعبني وتتعب
ترى الذي قبلك عصوا عن ملة الهادي الخليل
ماحصلوا غير الخساره والخساره ماهي مكسب