::: ياهاجس :::

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياهاجس الشارب من الكيف فنجال=تكى على المركى وفصل معانيه
فك العقال من الفحل ..وثق عقال=يعرف ولايصرف نظر عن مباديه
دنيا صفت لكـ يوم عشرين تحتال=ولياصفى لك يوم كدرك تاليه
ياخوي ياعمي وياخال يارجال=ياناس من لايعرف الصقر يشويه
الناس سجن الحر والغبن الاقفال=ومفتاح قفل السجن ضاعت رجاويه
ضاعت مابين آمال طيب فبطال=آمال مع واقع تلاطم بلاويه
هجره لها وديان واغوار وجبال=وكلا على ديره رجوله تمشيه
كن البروق تلوح والنو همال=واثره خيال اكذب رسومه تحليه
ياصاحبي لحظه يقولوا في الامثال=ان الجميل يضيع في غير اهاليه
كم ساقكـ المركب الى شط الآمال=وحقق لكـ اكبر حلم وضعكـ عجز فيه
ريحت بالي وانت ماارتاح لكـ بال=حطيتني فاعلى السنع وانت تاليه
لاقام حظكـ لا ولا زان لكـ فال=يامنكر وجود القمر في لياليه
ضوى عليكـ ايام تمشي وتختال=حجمكـ كبير وظلكـ اللي ممليه
ماضايق العقال فعلكـ ولاطال=رمي الحجر راس الجبل يوم ترميه
رجعت على راسكـ حصاتكـ ولازال=جرح الحصى بيّن حذاري تفليه
عد الحكي ياصاحبي عد الاموال=واللي يغش الناس محد ن يشاريه
واعلم ترى ماواجه الجيش رجال=ولازم على الوالي يطيعه مواليه
ياجاهل حروف القلم كيف تشتال=مرسمكـ في يدينكـ وتبغى تبريه
وانته معكـ بيض الورق سوّد وسال =حبركـ على سود الورق من تقريه؟
ياخاطري لاحظ كبيرات الاهوال=كليب في الناقه مره ولعت فيه
غفلة ملكـ تنهيه في عز واجلال=واللي يـحقر الناس عيبه توريه
ياخاطري الحربا لها سبعه اشكال=حذرى ترى الطيب تغره مرابيه
يمد من يمناه وتجيه بشمال=يسقي العطاشا.. ما ..ولاحد ن يساقيه
تلقى الرجال كثار والغالب ازوال=والحال ياقلبي على الله شكاويه
واحد طلع بالمال ..واحد بلا مال=نازل وهو رجال محد ن يجاريه
وآخر يبيع فغير حقه ويحتال=ينهب فخلق الله تحبه وتعطيه
وحصني يعض ارنب ونقال الاقوال=قلي فلان وقلت هذي حكاويه
وحمار ينهق من ثقيلات الاحمال=يرجع يشيل حمول تدمي علابيه
وجاهل عنيد يريد لكن مانال=ينخش جبل يبغى يهله بياديه!!
وآخر خسيس يذم عمه والاخوال=وابوه ما ينكر فعايل ذراويه
واحمد يصيّح ياعلي كيف الاحوال =وابو حسن فاهي وش اللي مفهيه
يحسب ريالـ اكثر او الخمسه ريالـ=وان جاه ضيف الله عجز لايعشيه
والشيخ نشبه مدّعي بالف معدال =واثره كما اسمه ناشب ن في دعاويه
وان كان رب البيت ضراب الاطبال=اعلم ترى اهل البيت ترقص لـ غانيه
وآخر بلافكره مع الناس ميال=من حيث ماراحو رجوله توديه
ماله هدف عايش كذا مريحّ البال =اهبل بليد احساس واجد اساميه
روّح تعال وروح عود ولازال =رايح وراجع بس هذي ثماريه
شيل الحمول.. وحط.. شيله ويالال=ليله طويل وماتعب من لياليه
وآخر كثير هروج كذاب لو قال=وقت الفعل.. اهون فعل مايسويه
هرجُه فبالكـ سيل من راس مسيال =عادي على الوادي لكن ماتلاقيه
عز الله ان الناس اشبه فالامثال=بمعزب ن بنه من المر يسقيه
اصنافهم واجد والا حسن ترى قلال=وفرخ الصقر يطلع صقر مثل اهاليه
واما الحبارى مثل اباها ولاشال=حمل الدهور الا ولد ذاع طاريه
واللي يجر الما من البير بحبال=يشرب زلال الما يسده ويرويه
واللي يبا يشرب من النقع قد بال=كلب المراغه فيه والدود ماليه
ياصاحبي لاتحسب الهرج مكيال=كيله قبل يظهر علينا وتبديه
ماضيع الناقه من الذود وبال=واللي رضع ثدي الجعيره تربيه
واعلم ترى دنياكـ ماهي على حال=واللي يحايلها من النار تكويه
انته مسير لاتهقوى بالافعال =ترى الغشيم اللي فعوله تهقويه
واعلم ترى مايبدي العاقل هبال =والخبل مانعرف وش اللي يداويه[/poem]

صح الله لسانك أخي ماجد ولا غرابة فأنت من قبيلة صنعت الحرف وشهد لها القاصي والداني

والشكر موصول للشاعر الطلحي على تنسيقه الرائع

حياك الله أخي ماجد، وحيالله ماجبت

لاهنت صح لسانك


تحية طيبة

	عد الحكي ياصاحبي عد الاموال واللي يغش الناس محد ن يشاريه واعلم ترى ماواجه الجيش رجال ولازم على الوالي يطيعه مواليه ياجاهل حروف القلم كيف تشتال مرسمكـ في يدينكـ وتبغى تبريه وانته معكـ بيض الورق سوّد وسال حبركـ على سود الورق من تقريه؟

صح لسانك وسلمت يمينك



واسمح لي ألطشها وتصير توقيعي في المجالس



ماجد


اشكر فيك روعتك



لك احترامي

يا سلام ياسلام

قصيده صافحت المنتدى واهتز لها طربا

سجل اعجابي الشديد بهذه القصيده التي اكتنزت افكار شاعر مفكر يأتي بالبيت في غلاف الرمزيه

جميع الابيات يستوجب ع القارئ الوقووف عندها للتمعن

استوقفتني كثير من الابيات الرائعه ولكن لم يستوقفني اكثر من هذا البيت فريد الفكره والحكمه

بيت سيبقى مدى الدهر

ماضيع الناقـه مـن الـذود وبـال=واللي رضع ثـدي الجعيـره تربيـه

اخي

ماجد الزيداني

سجل اعجابي مره اخرىآ بهذه القصيده

ولك خالص ودي،،،

تقييم اعلىآ

اشكرك اخوي ابو ملاذ على المرور مروركم بحد ذاته شرف لي


وماكتبته وسام على صدري اشكرك مرة اخرى


لك موفور احترامي وتقديري

صـح لسانكـ مليون يا ماجـد

مصافحة أولى تنم عن شاعرية فخمة و شاعر قدير

ننتظر منكـ كل جديـد بكل فخر

أطيب التحايا

دمت بود

اشكرك اخوي عز الرفيق على المرور

كلي شرف ان علقت انت على النص

وكلي سرور ان نال استحسانك واعجابك

ابدااااااااع
بيض الله وجهك
تقبل مروري

اشكرك اخوي ابو عليان على التعليق والاطلااع

صــــــــــح لـــــــســـــــــــــــا ااااااانـــــــــــــــــ ــــــك اخـــــــــــــــــــــــ ــــــوي مـــــــــــــــــــــااا ااجــــــــــــــــــــــ ـــــــد

مشكووووووووور صح لسانك

ملامح الامس اطلاعك وتعليقك شرف ووسام اتقلده على صدري

لك موفور احترامي وتقديري

اخوي ابو صقر اشكرك على مرورك

اخوي سلطان اشكرك على المرور والتعليق

ممنون