حماس مطلوب

عششت عششت والله

إن كان لك قدرة ولك قوة ولك معنى سمين
ماأرضى تموت الموهبة بين العرب وهبالها
شوف (القصيّر ) مكتبه يستقبل المتحمسين
ويواعد الشعار ويكلم على جوالها

الله يحفظكم والله مبدعيييييين

حفيدة ابوعادل ياهلا وغلا والله شرفتي اخوك بالمرور العذب والراقي

الخط من يوم اختلف جونا معاه امفحطين .. يا كيف ابشرب دلة ٍ ما غسّلوا فنجالها

قال الجبرتي: خابز القرصان ماله غير عين .. الله يرحمها صفف واللي مشى منوالها

ان كان عاندتم نبى نقطع عليك الأكسجين
والخط واضح مااختلف في خبوتها وجبالها
خل الجبرتي فالمقابر يأبيض الشارب دفين
تراك ماتقوى على العقدة وأنا حلالها

حنا ترانا في حمى المولى شباع مسلطنين .. ما تنقضون العروة اللي لازمين حبالها

يا يابس العرقوب ما كلّ الرجال مسالمين .. لا بد تلقى لك خصوم ٍ ما تريَّح بالها

اللي سواتك يوم حزات الخطر مستسلمين
وانا سبحت من البحور قصارها وطوالها
والله ماتلقى ذرى لوتزبن الضلع الزبين
والا الخصوم اليا لفت فال الله ولافالها

يا سابح البحرين وش فيها من الدر الثمين .. أقول دور لك بحيرة وانغطس في جالها
ربك يكافيك البلايا كل ساع وكل حين .. ما تعرف الامثال يوم تقال يا تمثالها

الدر حنا نملكه وانته تدرهم بالحنين
لكن جمال البدوجاها فالخلا جمّالها
أكبر مصيبة يوم أحاور مثلكم وأنته فطين
اصحك يغرّك فالرجال أنواعها وأشكالها

جمعه مباركه

نمط رهيب الله يبارك في ايامك ولياليك وعساك صليت الجمعة في الحرم الشريف

مشاء الله تبارك الله ... محاوره على مستوى
صحت الالسن

مايميزني لقب ياهلا وغلا ومرحبا نوركم ضافي على متصفحي