دارة رجز مباشر (فارس المطرفي وشباب )

يامرحبا باللي يوّفي في وعوده

ترحيبة ً بين العرب يُرفع علمها

راعي الوفا ياأصحابنا يلزم حدوده

وانتم وحنا فالمواقف نغتنمها

المعذرة في التأخير لأنني كنت خارج المنزل لظروف طارئة

وصح لسانك ياشباب واستلم لاهنت

دام البقا والبيت عزّه من عموده

ياشاعر(ن) انصف لنفسه ماظلمها

صاحبك جاك ونيّته يثبت وجوده

والرجزة اعلنها وللصاحب نظمها

يامرحبا من خاطرا ً ماضاع

يالعزوة اللي تعرف الاسناع

والوافي اللي يحتمي ميقافه


كلا ً من العربان فيه اطباع

واحنا عرب مانرغب النزاع

لكن مثلك مالقيت اوصافه

الله الله

صح لساانك ياشباب مبدا ممتاز

وصح لساانك يافارس المطرفي شاعر مايصعب عليك شي ماشاء الله عليك

كان ودي ياشباب تجيب رجز مروبع هذا الرجز المثلوث رجز له خصوصيه نوعا ما

وااصلو وعسااكم على القوه ونحن متاابعين لابداعكم

	المشاركة الأصلية كتبت بواسطة شباب

	يامرحبا من خاطرا ً ماضاع يالعزوة اللي تعرف الاسناع والوافي اللي يحتمي ميقافه كلا ً من العربان فيه اطباع واحنا عرب مانرغب النزاع لكن مثلك مالقيت اوصافه

دام البقاء ياسبع بين اسباع

دندون في المنزال والمطلاع

والعلم بانت يالكريم اطرافه

سمعت موجزها من المذياع

وصاحبك في الماقف طويل ذراع

قوي عزوم وحامي(ن) محرافه

بن مغبش مالكم الا مايرضيكم واقلط سلمان معتذر الله يحييك

	المشاركة الأصلية كتبت بواسطة خالد الهذلي

	الله الله صح لساانك ياشباب مبدا ممتاز وصح لساانك يافارس المطرفي شاعر مايصعب عليك شي ماشاء الله عليك كان ودي ياشباب تجيب رجز مروبع هذا الرجز المثلوث رجز له خصوصيه نوعا ما وااصلو وعسااكم على القوه ونحن متاابعين لابداعكم

صح بدنك ياخالد الهذلي وماعندنا غير قليل مما عندكم

وترى اخوك اول مرة يلعب على الرجز ولانستغني عن نقدكم

الله يبقيك ياشباب

صادق كلمني سلمان البارح واعتذر عنده ضيوف جوه من مكه

مايجي منكم الا العلم الغانم ياربعي بيض الله وجيهكم

والداره الليله حيه بشعارها المبدعين

	المشاركة الأصلية كتبت بواسطة فارس المطرفي

	صح بدنك ياخالد الهذلي وماعندنا غير قليل مما عندكم وترى اخوك اول مرة يلعب على الرجز ولانستغني عن نقدكم

ماشااء الله تبارك الله

ماعليك خلااف يافااارس شاعر ومتمكن

وشكلك بتزاحم شعار الرجز في الصيفيه هههههههههه

	المشاركة الأصلية كتبت بواسطة خالد الهذلي

	ماشااء الله تبارك الله ماعليك خلااف يافااارس شاعر ومتمكن وشكلك بتزاحم شعار الرجز في الصيفيه هههههههههه

لالا مارايح ازاحمهم انا شاعر متطوع فقط وقت الازمات

ههههههههههههههههه شاكر لك التواجد ياخالد الهذلي

يامرحبا والنار حية

ياللي تدق السمسمية

الله كتب لك قسم طيب
لكن مافيها هدية


مابين شمس وبين فية

لابد مااحل القضية

واللي من المولى قريّب

مايلحق السية بسية

	المشاركة الأصلية كتبت بواسطة شباب

	يامرحبا والنار حية ياللي تدق السمسمية لكن مافيها هدية الله كتب لك قسم طيب مابين شمس وبين فية لابد مااحل القضية واللي من المولى قريّب مايلحق السية بسية

ياسلام ياسلام ياشباب

صح لساانك مبدع ولايهون فارس المطرفي

	المشاركة الأصلية كتبت بواسطة شباب

	يامرحبا والنار حية ياللي تدق السمسمية لكن مافيها هدية الله كتب لك قسم طيب مابين شمس وبين فية لابد مااحل القضية واللي من المولى قريّب مايلحق السية بسية

عليّ لاترضى الخطيّه

الدندنة ماهي بليّه

عساك حاضر ماتغيّب


عندي شراب الشاذليه


شباب انا خابرك عيّه

في المملكه مافيه زيّه

عاقل ولك قلب(ن) حبيّب

يحفظك خلاّق البريه

السلام عليكم ورحمة الله وبركاتة

ومساك الله بالخير يا هذيل

صحت الالسن وبيض الله وجيهكم يا شعار مبدعين

ما شاء الله عليك يا فارس بالتوفيق يالامير

وشلونك يا بن مغبش

	المشاركة الأصلية كتبت بواسطة قرناس بني ياس

	السلام عليكم ورحمة الله وبركاتة ومساك الله بالخير يا هذيل صحت الالسن وبيض الله وجيهكم يا شعار مبدعين ما شاء الله عليك يا فارس بالتوفيق يالامير وشلونك يا بن مغبش

عليكم السلام ورحمة الله وبركاته

هلا وغلا ياقرناس بني ياس

صح بدنك ولاهنت يالغالي