قصيدة في مدح قبيلة القرّح من هذيل ..:

السلام عليكم ورحمة الله وبركاته
هذه قصيد في مدح قبيلة القرح . ولا يهونون باقي قبايل هذيل . القصيدة القيتها في احتفالات العيد لهذه السنه وقد سبقني على طرحها أحد الأخوان الله يعطيه العافيه ويبيض وجهه على اهتمامه وقد فضل بعض الأخوان طرحها تحت اسمي لتكون في قسم الشعر الشعبي وليس قسم المنقول , وتلبية لرغبتهم ها انا اطرحها و اتمنى أن تنال على بعض استحسانكم كما أن الأسماء ايضا طرحت من الأخ خلف تحت هذا الرابط .
http://www.hothle.com/vb/showthread.php?t=21767

:
[poem=font="time new romin,5,#000000,bold,normal" bkcolor="#e4cda1" bkimage="" border="groove,3," type=1 line=1 align=center use=ex num="0,"]
قال الذي لا قال قوله بميزان=واليا وزن ما أبخص موازين غيره
في راسه أمانه وفي صدره إيمان=وعن الردى دايم حباله قصيره
ومن الشعر غنى على كل الألحان=و وقف مواقف مثل شمس الظهيره
و الشعر لأمجاد العرب كان ديوان=ولا زال يخدم في قضايا كثيرة
إن كان وظّف عن درايه فهو زان=و إلا فتركه خير و الله يجيره
و أفضل شعر دوّن على مر الأزمان=ما قيل في فضل الإله ونذيره
نبينا صفوة ولد نسل عدنان=صلى عليك الله يا خير سيره
صلى عليك وبك ختم كل الأديان=و انتَ رسول الحق و انتَ بشيره
هديك لنا سنه ومنهجك قرأن=والحمد للي ما تركنا في حيره
فردً صمد , بالعدل يأمر و الإحسان=وينهى عن المنكر وفُحش السريره
سبحان من له كل شيٍ بحسبان=الشمس بأمره و الكواكب منيره
و الأرض يوم أنه عمرها بالإنسان =انزله للسكنى و حدد مصيره
والناس في تصنيفها أشكال و ألوان=على اختلافات الزمان المثيره
منها السهل والحزن , و أجوف وكثان=ومنهم عرب مثل البحور الغزيره
الله خلقم للصعيبات مزبان=روس الرجال أهل البصر و البصيره
و لولا الشجاعه راحت أملاك و أوطان=لكن دفع الناس بالناس خيره
و المجد ما هو ملك لفلان و افلان=المجد غايه و القبايل خشيره
في كل ديره قبل لا اخص شجعان=وكلٍ تجد دلوه على قيس بيره
صحيح ما تُبنى على غير سيسان=ولا فيه حيٍ ما يجي فيه غِيره
يا وقت يا للي فيك نكره و نكران =ما أنصفت ربعي أهل السيوف الشطيره
العزوه اللي يوم زوغات الأذهان=ترسي كما ترسي الجبال المديره
قبيلة " القُرّح " ليا قيل " هذلان " =لها من الأمجاد حصه كبيره
ترجح بوزنتها على كل الأوزان =ودوراتها مثل الرحى المستديره
تطحن معاديها ليا ثار خفّان =وتشبع في معداها السباع المغيره
و أهل الحميه و السميه وفرسان=و أهل الشهامه و أهل ديره و جيره
و أهل الكرم يوم أكثر الناس جيعان=و أهل القُدى يوم المذاهب وفيره
المجد لابسهم شهاده وعرفان=لبس الشرف ما هو بملبوس عيره
في مدحهم لا قلت ماني بغلطان=ولا لي عليهم فضل كُبر الشعيره
يقودني لأمجادهم قلب رغبان=ويقودني للقاف سلك الحريره
في واجبي ودي اجتهد قدر الإمكان= و من الشرف , تدوين مجد العشيره
أمانةً منشود عنها و أنا فان=و الرجل لا ولّي يحكّم ظميره
ماني من اللي للموالين طعّان=ولا أحطها بين اللحم والجبيره
و من لا عرف تاريخ الأجداد ندمان=لا من هرج بالفعل راعي قصيره
الوقت الأول يعقل العلم شيبان=وحنّا نسينا في السنين الأخيره
و أنا تتبعت التواريخ بإمعان=تتبع المُذهب لجرة بعيره
مشيت عن عربان و أمسيت عربان=توسدوا برد الزمان وهجيره
والصوره اللي حرّكت كل وجدان=خلتني أجهد , لو جهودي يسيره
و محاسن الموتى بعد مات حيّان=دونتها للبِر و أيضا لغيره
و من شان لا يحصل للأجيال نسيان=نظمت فيها ملحمه مستنيره
سوات دره ما تقدّر بالأثمان=تظم من بعض المدون نميره
" ميه وعشره " بالعدد والتّمعان=اخترت خيره من رياجيل خيره
اخترت من شادوا من المجد بنيان=ما تنكره حتى العيون الضريره
ون كنت ناسي لي عرب , يحصل أحيان=العذر , قبل القاف يدرج بسيره
و أول بدايه عند وافين الأقنان=سموا " آل كامل " مثل نارٍ سعيره
تاج الفعل يوم إن للفعل تيجان=و اللي يبي تأخيرهم ما أستشيره
في المدح , وإلا القاف ما فيه خَسران=مضمون ما مثل أوله غير أخيره
أبدا من أخوالي ولا قيل " جمعان "=ابن صغيّّر ما أنشهر من صغيره
إلا أنشهر بالفعل و أخوه" حمدان "=اثنين والثالث " حَمود " أستخيره
أساميٍ تطرب لها كل الآذان=و إبن " حَمود " اللي قليلٍ نظيره
للمعرفه والفعل والجود عنوان= " علي " زعيم القوم شبّاب نيره

و" ابن جريّد " يوم هي سيف و اسنان=" صغيّر " الجمعي يفك الأسيره
و اللي يرد المخطيه بادهم الزان=" دخيل ابن حمدان " ثاني هجيره
و" صويلح السلقي " ولا عنه سلوان=لو كان نصره قبل يبرك بعيره
و" عيضه " يعوضك لا احتمى كل ميدان=يكسب رهانٍ ما كسبه الهشيره
و " ردود بن عيضه " كعم كل طغيان=و " ابن صويلح صالح " أصلح مسيره
و إلا "خليفه" مع "مطر" طير حوران=و"سرور" ون قلنا " محيا " ظهيره
و " أبو معيد " إن رفت اشناب , شربان= وعند " العُداله " كل شلفا شقيره
" حمَود " لا عدو هل الفعل تيهان=يحمي مصاديره ويحمي قصيره
ومن بعدهم عرّج على " آل رميدان "=يا هاجسي جاء " للدعيجي " اتعبيره
يشوش راسي كلما قيل " دعجان "=وكم عين من فعل النشاما حذيره
مكيالهم من زايد الفعل مليان=و رجالهم كثر ألحكي ما يُطيره
منهم " هديهد " هدته تقضي الشان= وعدوة " مُزيهب " عاقبتها عزيزه
و " جابر " وهو حوقه , للأعمار كفّان=فعله مورّخ ون تهرّج ثميره
جدّ " آل جابر " شهرته مثل صعبان=و إلا " عبيدالله الفلاحي" قطيره
و" عالي وهو أبو محرقه " يم سفيان=فعله لحاله ماليٍ له حفيره

و " بن زميط " انكان للفعل ضمّان=" حسن " يُعد من الرياجيل خيره
وفزعة " غريب " اليا بدا راس مزبان=و" باشا " على اسمه كان الأسمى بريره
لا و الله إلا في أولتهم , ولا هان=الشيخ " جبر ابن رميح " و شويره
" عبد الله ابن دعيج " و اسمه بالأذهان=له وقفةً تُحسب وسمعه عطيره
و إن قلت " أُشيفي" قولوا المدح شفقان=و ابن غراب" وسعد من هو يجيره
و "منيع بن عالي" و" ابو الزين" له شان=و "آلِ عُقيّص " بالمدايح جديره
" سعيد " سعد اللي من القوم غرقان =و " عبد الله " أنعم , والسهوم المطيره
" آل مطير " إن قلت ذربين الأيمان=أفعالهم نسمع بها من خُطيره
منهم عرب لا قالوا الموت , عميان=و أعيونهم عند الملاقى بصيره
يوم المزايد دون حلوات الألبان =كم بكرةٍ ظلت وراهم عقيره
إن جيت أسميهم فللفعل سميان= مثل " إبن مالك " طيب الله عبيره
" زُميّم " اللي هيبته هزة أركان=هامه وقامه و إن تحرّك دميره
و " عقاب إبن هاجد " بعد دان و إدان=أول قصاص السيف ما هو بأخيره
و أذكر " دغيليب " الذي حرّك أشجان=و" حُسين " قلبه للشدايد جسيره
ابن مطر , لو تُوقَد الدرب نيران=ما لف ساقه لو تعوّد كسيره
و أذكر " نُصيّب " ثم " جابر " و الأقران= " عايد " و " صاعب " للصعاب المريره
المدح فيكم يا أربعه زان ما شان=يا بالجين الظلمه الدمسريره
و إلا " بعيرص " مشعل القوم شامان=سيف الحميه شاهره من جفيره
و" يعيش " مدحه مدح من دون نقصان =وليا وصل عند " آل عساف " أديره
حتى يغطيهم بترتيب و اتقان=زاد الله فيهم , صدق ماهي أتعذيره
اللابه اللي للموالين صدقان=وعلى العدو نيرانهم زمهريره
لا فرق الله شملهم قوم رعدان=كم فرقوا بين العشير وعشيره
إن قلت " ناشي " قالت الإنس و الجان= ناشي عمود الفعل و أول سفيره
يكسر بيارق لو لحاله بميدان=النار من زنده ويعرف وذيره
جنازته ما درجوها بسكتان=وصى بها " طامي " ودنّ اتعشيره
ون قلت" طامي " يطمي مثل طوفان=طامي ليا عدوا هل الفعل أميره
ما يحكمه حاكم وله قلب و السان=يدير ما يرضى بواحد يديره
حتى وهو جالي وقافيه ديّان=غيّب حياة اللي ينابش مجيره
و " مفرّج " اللي شهرته مثل راكان=خلّد من الشهره نفايس وثيره
بالفعل ما هو بالموارى و الإدهان=الأوسمه جاته من الترك ضيره
و " سالم " وهو بن عيضه ابن رضيان=تسلّم ألشِيخه وصان العميره
و أمير للي ناصروا قوم عمّان=يوم أعلنوا للحرب لبوا نفيره
و " مرزوق " للمذهب بنا كل صيوان= ابن صُقير الخيري , شيخ نيره
كم حق يندر به ولا راح مجان=و " ابن سُكينه " ما ندم من يشيره
و إلا " دخيل الله " رضا كل شرهان= ابن محبب , شر نفّاخ كيره
و" تركي" عقيد القوم في حرب جيزان=له وقفة القايد وفعل المغيره
و اللي على المدفاع حطوه نيشان=هذاك " جاهل " و الجهاله لغيره
و " الدحمسي رده " كما قيل دجران=يمسح ليا شاف الجموع الغفيره
ولا أنساك ياراعي الحزامين " ضبعان "=عشية المزبن , مراميك ديره
يبقى " حويمي " و الحويمي له أعوان=تاصل لمرتبة الأمير و وزيره

منهم " عزيز " ولا على البال حقران=" لـ , بن علا " و إلا " نَصيب " العويره
و " مسلم " و " رزق الله " ما يدحنه دحّان=لا هيجنت قوم النفوس الشريره
و " آل فنيك " ان قيل دوّن لك اثنان=" حَسين " و " فليفل " ما عنهم صبيره
و " آلِ زميّم " دام للقول تبيان =زمام " و " مشيرب " تجي بالصديره
و" سِلمي " عُرف بمداهمة كل شيطان=يرمي بروحه لين يفتك أسيره
و اذكر" مفرّح " و الملقب بفرحان=في لقوة " الـحُرّث " سهومه خطيره
و" جاهل " ومن بعده " مجيدي " صُبيّان=ومن آل ياس أذكر " رزيق " النعيره
و اللي المذاهب و السواير لها صان=" مرزوق " شيخ أهل القدا تستشيره
و " عيضه ابن شدّه " من تنواه هلكان = و " عاقل " عقال الصاعب المستذيره
و" الحامدي حامي" وغيره " عليّان " =و " سفِر ولد حامي" شهامه وغِيره
و " خميس " يُذكر و المسمى " شليّان "=راعي الأماره في السنين النكيره
و المحسني " أمبارك " و " عابد " و الأخوان=مُفْنِك , فُنيك , أهل القنا والذخيرة
وجات " آلِ ساري " ثايره مثل بركان=والحس حس المحتيه والسحيره
مالي عذر منهم وهم صفوة أعيان =و كل ألرفاقه في عيوني نظيره
سواسيه ربعي و الأفعال برهان=ومدحٍ بدون أفعال ماله حضيره
أمدح معيصب ، شيخ , فارس , وللأن= ما مات شعره دام للشعر سيره
و ابن معيصب , عرف و إقدام شيهان = " جمعان " شيخ وشيخته من كبيره
و اللي نهار الكون ما قال بحلان=" رميح " رمح الموت ناطح شفيره
و " رزيق بن مرزوق " و " عقاب " صوكان=و " فواز " للقيف المعدي نزيره
و" معيش " من ذباح ابوه القضى كان=من حزته قصبان بطنه نثيره
" وبسيس " ما يُنسى و " عايش " و " بسان "=من دونهم عصم القصايد فقيره
ولـ " معيفن الساري " من الشعر بستان = و" علي ولد صمصوم " شعر ونديره
و" صفر ولد معتوق " ما مات قفران =الله على فزعتك يا أبو سُفيره
وعيال من عقب بعد عُمْر صبيان=نعم الأصيل اللي ينجّر نجيره
أثبت " محمد " بأن للمهره إحصان=ألعقّبه قرّت لهم عن قريره
" حميد " و " حميّد " مداغيش و اذهان=و "حمدان " ثالثهم ليا أرزم زفيره
و ابن حميّد راعي الدين " سلطان " =ما قط كب من الشعاير شعيره
و إلا الطريفي قبل , غياب , زيدان=ومن قبلهم قومٍ ونعم الذريره
و من آل مكي " عطية الله " كحيلان=و" علي ولده " من الكرم خذ خبيره
و اللي يصله العلم ويحير قنعان =" هويمل المكي " لفعله جديره
اللي ينصّر كل من جاه عجلان=نعم الأجير اللي يخلّص أجيره
وجواهر الحكمه من أقوال لقمان=ومن يُرزق الحكمه عطاه الله خيره
و الحبكلي " حمدان " من روس شيخان=و الله فرق ميز العقول الفكيره
أليا حكم يُرضي العرب بأمر رحمان=و أليا ادعى حمدان جاله بديره
وحميد , و أحمد , يوم للترك بيشان=لا طبوا الميدان حاسو مريره
" أحمد " بجنبيه بعد قيل خَرفان =ألحقهم الثامن وهو في سريره
و " معطي " و " جالي "بالتواصيف ظُفران= سعد النهار اللي يهول قتيره
و" غصاب " راعي الخيل يوم القدر حان=من اربعين أمدينٍ دق زيره
و إلا " شماس " إن خاطها بأم علمان=قال ابشري بالنصر و الله نصيره
ضوى المهر و أقفا بمدعوج الأعيان=هديةٍ ما من وراها شبيره
و" بسيس بن حامد " له افعال و أكوان=يارد حياض الموت ورِد النحيره
يبدي مبادي تُرهب الذيب سرحان=ويندر وهو ما حط قدمه سبيره
وليا غزا ديره يجي شوف الأعيان=ومن يوعده بالموت يقطع وتيره
و" رزق الله " الفالح فلاحه بثبتان =و مثله" مُحمد " في الليالي العسيره
اثنين مثل السيف قطاع الأمتان=أليا حضروا ما قط عدت ستيره
يثنون في الماقف عناصي وعدوان=و يجلون ويلات النقد و المعيره
و " سعيد " و " جويلي " وكلاً له أوان=فعل الشماسي , الموت يسبق نذيره
و" عالي ابن جالي " لا أنشب الحد دفان=و " حمدي " ختام أهل الأسامي الشهيره
شاعر , وشيخ , أيضا وله فعل قد بان =ومرجع ليا جاء للنسب من يثيره
عليهم الرحمه تنشر بالأكفان=ما ذعذع الغربي وما طار طيره
و الحي منا في الحراوي ولا , لان= و الوقت كل الناس تنعم بخيره
لنّا بفضل الله نعيش أمن و أمان=وكل الصعاب بفضل ربي يسيره
في عهد أبو متعب ويمناه " سلطان "=عزٍ لنا من عز صقر الجزيره
ملوكنا ندعي لهم سر و إعلان=حقٍ علينا يا لوجيه ألسفيره
الله ينصرهم على كل خوّان=و الله يوفقهم لدفع المسيره
تمت وصلى الله عدد وبل الأمزان=علي"النبي الهاشمي " خير سيره

:

اخوكم / عطا الله القارحي [/poem]

وعليكم السلآم ورحمه الله وبركاتـه ...

صح لســــــآنكـ يا شـآعرنــآ ....



تستــآهلون المــدح ...

صــــــــــــــــــــــــ ــــح لسـانك ياعطا الله
وربعك من هـــــــــذيل ويستحقون المــــــــــدح
وانا أشهد هــــــــــــذيل كلها تستحق المـــــــــــدح
أهل وزعـــــــــــــه وفزعـــــــــــــــــــــ ـــه

وعليكم السلام ورحمة الله وبركاته،
وصلى الله على النبي الهاشمي وعلى آله وصحبه وسلم،
شكرا لشاعرنا العظيم هذه الجزالة الشعرية،
وهذا التوثيق التاريخي لكوكبة من رجالات قبيلة القرح الهذلية،
فهم كرام وأبناء كرام وأهل أفعال كريمة لا تخفى على الجميع،
بارك الله فيك شاعرنا الفاضل وكل عام وأنتم بخير،
وتقبل منا ومنكم صالح الأعمال.

مانـي مــن الـلـي للموالـيـن طـعّـان0000ولا أحطـهـا بـيـن اللـحـم والجبـيـره



الله الله الله يا هذا البيت الذهبي

ونعم والله يابو عبد الله


ونعم بالقرح جميع ويستاهلون هذه الملحمة المرضيه بالفعل


تحياتي

تستحق الإشادة والجزاله اخي عطالله ولا فض فاك

تقبل مروري واعجابي

كنت هنااااا

الحجاج بن يوسف

	المشاركة الأصلية كتبت بواسطة سهم هذيل

	وعليكم السلآم ورحمه الله وبركاتـه ... صح لســــــآنكـ يا شـآعرنــآ .... تستــآهلون المــدح ...

سهم هذيل

صح بدنك ولا عليكم زود

اخوك

	المشاركة الأصلية كتبت بواسطة ابوفهد الياسي

	صــــــــــــــــــــــــ ــــح لسـانك ياعطا الله وربعك من هـــــــــذيل ويستحقون المــــــــــدح وانا أشهد هــــــــــــذيل كلها تستحق المـــــــــــدح أهل وزعـــــــــــــه وفزعـــــــــــــــــــــ ـــه

ابو فهد الياس

صح بدنك يا القرم

وفعلاً الكل يستحق لا عدمتك

	المشاركة الأصلية كتبت بواسطة الفارس حزين الطلعة

	وعليكم السلام ورحمة الله وبركاته، وصلى الله على النبي الهاشمي وعلى آله وصحبه وسلم، شكرا لشاعرنا العظيم هذه الجزالة الشعرية، وهذا التوثيق التاريخي لكوكبة من رجالات قبيلة القرح الهذلية، فهم كرام وأبناء كرام وأهل أفعال كريمة لا تخفى على الجميع، بارك الله فيك شاعرنا الفاضل وكل عام وأنتم بخير، وتقبل منا ومنكم صالح الأعمال.

الفارس

العفو يا الغالي ولا عليك زود

وكل عام و انت بخير

	المشاركة الأصلية كتبت بواسطة فواز الهذلي

	مانـي مــن الـلـي للموالـيـن طـعّـان0000ولا أحطـهـا بـيـن اللـحـم والجبـيـره الله الله الله يا هذا البيت الذهبي ونعم والله يابو روان ونعم بالقرح جميع ويستاهلون هذه الملحمة المرضيه بالفعل تحياتي

هلا بشاعرنا القادم

هلا يا فواز

ونعم بحالك وبكل هذلي قبايل و أفراد

اسعدني مرورك و انطباعك


اخوك ابو عبد الله

	المشاركة الأصلية كتبت بواسطة الحجاج بن يوسف

	تستحق الإشادة والجزاله اخي عطالله ولا فض فاك تقبل مروري واعجابي كنت هنااااا الحجاج بن يوسف

هلا براعي العراق هههه

و انت تستحق الشكر يا ابن يوسف على تعليقك الذي اعتبره وسام

تقبل فائق تقديري


اخوك

عطالله القارحي

شاعر من مدرسة شعرية أصيلةبأصالة هذيل

توضيفه للأسماء وترتيبه للقوافي وسبكه للبيت
يدل على تمكن رائع وشاعرية قوية

الرائع عطالله
أين أنت يارجل؟
أفتقدك كثيراً

.

السلام عليكم ورحمة الله وبركاته

صح لسانك اخي عطالله على هالجزله وأنت شاعر كبير ووجودك بيننا مكسب لاشك.

أما بالنسبة لنقل القصيدة فهذا قانون للمجلس سبق وأتفقنا عليه في هذا المنتدى وليس تقليلا من شأن أي قصيدة نقلها لا والله،ولكن أحببنا أن يكون مجلس الشعبي لقصـائد شعار المنتدى.

صح لسانك مرة أخرى ونعم بكم تستاهلون المدح.

تحية طيبة

[poem=font="Arabic Transparent,4,,bold,normal" bkcolor="" bkimage="" border="none,1," type=0 line=0 align=center use=ex num="0,"]

السلام عليكم ورحمةالله وبركاته



في واجبي ودي اجتهدقدرالامكان=ومن الشرف تدوين مجدالعشيرة




عزالله إنك اجتهدت فأصبت،ودونت مجداًيستحق التدوين،فكنت له أهلاً،فبارك الله

فيك ،وفي عشيرتك،ولافض فوك.[/poem]

هذي معلقة بارك الله فيك ماشاء الله
تبارك الله الله يعطيك العافية وصح لسانك
ولاشك أن قبيلة القرح تستاهل أكثر
علي بالحرام إنهم نوماس ودفا جنب
الله لايحرمنا منهم