قصايد لشاعر سلطان بن علي المسعودي الهذلي ....

هذي بعضاً من قصايد الشاعر القدير سلطان بن علي المسعودي الهذلي


ياعين توبي

انا قاصدك ياعين توبي عن اللده
انا ماشبكني فالهوا غير لداتك
لياشفتي اللي يطرق الزين في خده
غديتي وراه تراقبينه بنظراتك
وانا لواحدك عنه مايلزمك حده
تبى تغرقيني دمع لو الغضي فاتك
ماغير اتعنوابك واسايرك من مده
وانا رغبتي ياعين من ضمن رغباتك
احب ادعج العينين واهواه واوده
واقول الله انه لايطمش عويناتك
فتني جمالك مير مالي عنك صده
عيونك وخدينك ومبسمك وشفاتك
الا ياهواى ومنيتي عجل الرده
انا في حرى جيتك وارجي ملاقاتك
لعلك تروف بقلبي الي فشا سده
واشوفك ولو ماني بجل اهتماماتك
ولن كان ناوي تلحق الصده بصده
ابشكيك لله و يتولى مجازاتك

...............


أكبر عذاب

يامل عين كل ماخيلت برق
جدد وميض البرق ماضي عناها
ومن المحاجر هلت دموعها الزرق
هل المزون العقربيه لماها
على الذي حبه حرق خافقي حرق
وصله دواء روحي وفرقاه داها
ادعج عيون ونظرته طعنها زرق
اموت واعرف نظرته وش وراها
اكبر عذاب القلب من سافل الترق
والطله اللي مايشبه حلاها
عزالله اني في بحور الهوا غرق
اثر الهوا سقم القلوب وبلاها
انا انتحي للغرب والا انتحي شرق
مدري لعل النفس تلحق هواها
وادل درب صويحبي واطرقه طرق
واقدامي من الشوق عجله خطاها
واليا لقيته فرق ياخاطري فرق
ماضي سنيني ما اتحسف علاها

...........


الله محيط

ياماحلا ممشى الديار الخليه
في خايع ماهو من الناس مسكون
عقب اغتشته المزنه العقربيه
واحيت ورق عود سناوي ومدفون
حقاق نون كلبوه برديه
عشره ليالي تردف مزون بمزون
لين اكتسى بالعشب والمخضريه
واصبح محيلن زين للي يحيلون
وانا على السجات رجلي جريه
ما ني كما اللي من عنا الوقت مسجون
ادرج قدم رجلي هناك وهنيه
واسج مثل العالم اللي يسجون
واشب ناري واركي الشاذليه
على طرفها واشقر البن مسحون
صفرا على فنجالها المشهويه
ريح قهوتها يبري الضيم والكون
ورفقة خوين مايبور بخويه
ظفرن فعسرات المواقيف دندون
مصاحبي معه نومسه له وليه
وقدر الرجال بقدر الاصحاب مقرون
واشوم عن مطرح نفوسن رديه
والرزق بأمر مدبر الكون مضمون
ولا همني وش قالو الناس فيه
ربك يحاسبهم على ما يقولون
لو ابهتوني والحقوني قفيه
الله محيط ابهم وهم مايحيطون
لابد من يومن تعاقب رحيه
يومن يخلي قاسي الحب مطحون
عواقبه فأهل الردى كارثيه
يسبل عذابه فوقهم لين يفنون

...................

اطيب التحايا

صح لسان الشاعر سلطان المسعود الهذلي

جزل مبناه وسامي معناه

وبارك الله فيك يا بن عادي على حسن الإختيار

صح بدنك بالنيابه

ومرحبا بك يالظافر

والله يبارك فالجميع شرفني مرورك العطر والشكر على التنويه

ياسلام ياسلام

قصائد درر لشاعر مبدع

شكرا يابن عادي النادر مايجيب الا النوادر تحياتي وتقديري

صح لسان الشاعر المبدع سلطان المسعودي
وكل الشكر يابن عادي على جهودك
تحياتي لك

صح لسانه والله

شاعر بمعنى الكلمة الله لايضره

سلمت يابن عادي

	المشاركة الأصلية كتبت بواسطة خالد الهذلي

	ياسلام ياسلام قصائد درر لشاعر مبدع شكرا يابن عادي النادر مايجيب الا النوادر تحياتي وتقديري

يامرحبا ياخالد وحشتنا ياهوه

العفو ياعمي شرفني مروك العطر

ماشاء الله
قمة الابداع ويستحق المتابعه
شكراً يابن عادي لمجهوداتك

	المشاركة الأصلية كتبت بواسطة الامبراطور

	صح لسان الشاعر المبدع سلطان المسعودي وكل الشكر يابن عادي على جهودك تحياتي لك

صح بدنك بالنيابه

العفو يالامبراطور

شرفني مرورك العطر