لاجتك زلة من رفيق توده

لا جـتـك زلــة مــن رفـيـق تـــوده
رفيـقـك الـلـي مــا تـعــدد مـزايــاه

رفيقـك اللـي تقصـده وقــت شــده
وتنحـل لا مـن شفـت طلـة محيـاه

بـيـنـك وبـيـنـه خـــوّة مـسـتـجـده
متجـول فـي قلبـك أدنـاه وأقـصـاه

حبـل الوصـل بينـك وبيـنـه يـمـده
يمـك يسوقـه قلـب وتشيلـه خطـاه

نفـسـه يطّمنـهـا ولــو فـيـه حـــده
لأجـل الرفـيـق يـكـب شــي تمـنـاه

مـا يتـركـك فــي سهـلـة مجـرهـده
طيّب وهـذا طيـب ساسـه ومجنـاه

صقر ينومس بالقنـص مـن يهـده
وافــي شـبـور وطـيّـبـات نـوايــاه

احـذر خـطـاه لغـيـر نفـسـك تـعـدّه
واحذر يجي غيره ويجلس بمركاه

ادمــح لــه الـزلـة وحــذرا تـضـده
ودور علـى عــذر يـعـذره وتلـقـاه

لا تشيـل نفسـك والجبـل لا تـهـده
واحذر تكـون اللـي نقـل داه بـرداه

بـاب الجـفـا لا فــك عـجـل بـسـده
وإبليس لا ابلس بالقطاعـه تحـداه

أوصـل رفيقـك عاتبـه فــي مــوده
وبيّن له اللي حس بك من خطاياه

واحـذر مجالـس راكبـيـن الاشــده
أشــدة الغـيـبـة رجـــال المـحـابـاه

أهل النكـد وأهـل الوجيـه المصـده
قـوم علـى نقـل السوالـف مضـرّاه

رجـالـهـم دايــــم مـعـشّــي بــبــده
عـزاه ياللـي غـيّـر الــدرب عــزاه

قصيدة جزلة والموضوع الذي تتكلم عنه موضوع مهم

..

أشكركـ يالنادر على الإنتقاء


//

تحياتي العطرة

مشكووووووووووووور اخوي ابو ريتال لمرورك الجميل

ويعطيك العافيه طال عمرك

دمت بود يالغالي

سلمت يالغالي على روعه طرحك

نترقب المزيد من جديدك الرائع

دمت ودام لنا روعه مواضيعك

تسلم يا النادر على هذا الاختيار

بعد اذك تنقل المجلس القصائد المنقولة

تحياتي

انصاف قلم مشكوووووووووور لمرورك العطر

وصح لسان الشاعر (حمد المخلفي)

الله يسلمك اخوي قرناس ومشكوووووور لمرورك ومتابعتك لنا

يعطيك العافيه

وصح لسان الشاعر (حمد المخلفي)

يسلم راسك اخوي ع الاختيار الجزل من شااعر جزل لااهنتو