دارة رجز مباشر (سلمان الندوي و شباب )

هذا المتصفح خاص لدارة الرجز بين شباب وسلمان الندوي ومرحبا يجميع الأعضاء والشعراء والزوار







يامرحبا ترحيبة اللي ماتغيّب عن محله

وارث علوم المرجلة والطيب في كل المعاني

العلم ياسلمان يبدي وسط صفحات المجلة

وهذيل ربعي كاسبين المجد ماهو مجد فاني

دام البقا واللي حضر منا يسد الباب كله
ماهي غريبه من هل الوقفات ذربين اليماني
زهير والاشراف وصلوا للنجوم اللي مطله
و انته امتغيب في هذاك اليوم يارعي السماني

الله الله

صحت السنتكم ياشعارنا

والداره حاميه من اولها عساااكم على القوه

الله يبارك فيك مانبدا مع الطيب بزلة

ماهي غريبة لوتروح القوم فقدور وصواني


جميل حايم طيرها ولانواجهكم بذلة

والنجم محْد ٍ ياصله لايافلان ابن الفلاني

الله يحييك يابن مغبش

دام البقا ياصاحبي واحذر تزيد الطين بلّه
انتم مباني طيبه واحنا عزيزين المباني
ما احد جحدكم في المواقف مير جاء في العلم خلّه
قدام ياقوم الجبل والعشر لاترجع ثماني

الله يغيث كبودكم وانته معك فالقلب عله

واهل المباني ماتبدّل وضعها طول الزماني

ماتجحدون ومن يسافلنا يبى يُرمى بدله

قدام ياسلمان احدّك للخفية والبياني

انا علومي واضحه وامشي على مذهب ومله
كلاً تغير من مكانه والا انا ثابت مكاني
انته تدوّر للخبر شوف الخبر دقّه وجله
واللي قراها المطرفي لابد ياصل للسناني

انته علومك طيبة والله حنا تحت ظله

نجهر بعلم الطيب مابين الرفاقة والعواني

اللي يبى يدفن سلاحه مارعى شاته وبله

والمطرفي رجال طيّب والسناني مايداني

انته علومك طيبه لكن حل العلم حلّه
والطيب مانجهل قوانينه وعلمك ماخفاني
اللي يبي يدفن سلاحه عندنا ما احداً حلاً له
حنا وردنا العد يوم الناس تسقي بالسواني

شد حيلك يا شباب

الله الله


مبدعين شعراءنا

اللي يحل العلم وافي والوفا طبع وجبّله

والطيب مانجهله ناطى فوق راس العقرباني

حنا وردنا والعدو يموت من غيظه وغله

والناس ماخانت عهَدها واستمع يامودماني

شد حيلك ياسلمان والله يحيي ابورديد

السلام عليكم ..
ومساكم الله بالخير يا هذيل

الله .. الله

دارة تستحق المتابعة

صحت الالسن وبيض الله وجيهكم