محاورة بين الشاعر /عبدالحميد الفهمي والشاعر /ابراهيم الشيخي

[frame="10 80"]
ابراهيم الشيخي :




سلام تسليم الوفـى والمعـزه والمواجيـب ^^^ عنـد الرجـال اللـي تقـدر وتكرم مـن نصاهـا
ياذيب ياللي قمت تعوي على روس المراقيب ^^^ دونك ذيابـه مايجـاوب عـواك الاعواهـا





عبدالحميد الفهمي :





يا مرحبا عداد مبدا القمر واثنـي التراحيـب ^^^ في حلة اهل الحلـه اللـي رفيـع مستواهـا
يا ذيب يا ذيب الخلا يالذي تعرف عوى الذيب ^^^ خلك خوي الذيب وأمش الديار اللـي مشاهـا





ابراهيم الشيخي :




عبدالحميد الناس من شهر تشعب شمخ النيب ^^^ والا انت ماشفناك مـن دونهـا والا وراهـا
ان كان ماجربت حظك ترى الدنيـا تجاريـب ^^^ والارض تقبل كل شيٍ يجيهـا مـن سماهـا





عبدالحميد الفهمي :





يا بن العرب بعض العرب ينفقد لو انه يغيب ^^^هذا هو المطلوب والناس من يدرك رضاهـا
عسـاك يـوم اغيـب تحـدد وتسد المطالـيـب ^^^ حافظ عليها بعد صاحبـك يالشيخـي بناهـا





ابراهيم الشيخي :




بعض الغياب يعذب الآدمي ويطلع الشيب ^^^والناس تجفاها المواقيف لاشابت لحاهـا
انته وانا في دبرة الله ولا أحدٍ يعلم الغيب ^^^ يمكن نشيد لك قصوراً تذرى في ذراهـا





عبدالحميد الفهمي :





ترى عريب الساس ما يلحقه شكاً ولا ريب ^^^تدرون كم ميله عدلها وكم ليلـه سراهـا
بغيت اعلمك الرمايه ووريـك المضاريـب ^^^الناس ترجى في ولدها وهو خيب رجاهـا





ابراهيم الشيخي :






خل النسب ينفعك لا أمسيت وانته خالي الجيب ^^^الناس لاجـا وقتهـا فـي نسبهـا ماتباهـا
انا بغيت ابرح لك الخط وارسل لـك مكاتيـب ^^^امـا تساعدنـي علـى جيرتـك والا بلاهـا





عبدالحميد الفهمي :





هذا زمان العولمه ماعلى ابراهيم تثريب ^^^ معاد نعرف وجه دنيا العجايب من قفاهـا
انا احمد الله واشكره واحترص وابعد عن العيب ^^^ ماني بسلعة واحداً باعها واحـد شراهـا





ابراهيم الشيخي :






تراني اغليكم وافاخر بكم عند الاجانيب ^^^ والناس ماتحكم على الحاجه اللي ما تراها

[/frame]

صح لسانهم جميع

محاورة ممتعة و طرق ممتع

لا هنت على نقلها لنا

ننتظر جديدك هنا

شكرا لك

	المشاركة الأصلية كتبت بواسطة المحااارب

	صح لسانهم جميع محاورة ممتعة و طرق ممتع لا هنت على نقلها لنا ننتظر جديدك هنا شكرا لك

تسلم على مرورك يالمحارب


يشرفني ويسعدني اطلالتك الرائعة

انا شاء الله اطرح كل ماهو جديد ومفيد
وان شاء الله انقل لكم هنا كل جديد يتحفنا به شاعرنا الشاعر/عبدالحميد الفهمي مع غيره من فطاحلة الشعر


تحياتي

شكرا اخي على النقل الجميل


محاورة شيقة لشاعرين متمكنين


شكرا

	المشاركة الأصلية كتبت بواسطة فواز الهذلي

	شكرا اخي على النقل الجميل محاورة شيقة لشاعرين متمكنين شكرا

فواز الهذلي

تحياتي لك يالغالي

كم سرني واسعدني مرورك العذب

دمت بود