حماس مطلوب

لاياحماس الجوغايم وأنت شاعر لك سنين
لكن شفنا غترة البسام طاح عقالها
أوّلد الكلمات مثل ولادة الطفل الجنين
يوم أبتكر بعض المعاني ماتجيب أمثالها

طيب طيب

اي بالله اني عود ما ظنيت ابى القى لي سنين .. لاكنّ طش الحب ما بين الرحى وثفالها

إن كان جابت لك ولد مثل الحسن والا الحسين .. البنت كسوتها يا ابو ساطي على رجّالها

صحت الألسنة بدع ورد بيضان وجيه ،،،

الله الله

واصلوووووووووووووو


ماش مقيال

وراك ماتظهرعلى الشاشات مثل المبدعين
ترى هذيل من الفخر تعطيك روس اموالها
وتواجه الفرّيس قدمك من يسار ومن يمين
شرط ٍ علي لأشجعك وأقول عد موالها

حامد السالمي الله يحييك ويبارك فيك يالغالي

بن عادي ايه والله ماش مقيال وحماس موجود الساعة المباركة اللي جابت المبدع وابداعه

طيب يا طيب انا باقيلي غترة بسام وياريت تكون ماي فيير > طفشت من الكوفييييه ههههههههههه

يانمط رهيب انا داري انك في صف حماس

لكن الميدان تراني في صف شباب حاقد علاك ابرزع في بطنك

نمط رهيب البس شماغ المراسيم والله تمام ماسمعت الشيخي وش يقول


عقال الصوف يصلح على شماغ المراسيم
ونلبسها لعيد الفطر والا الضحية

صح لسانه وحياك ربي يانموووطة خخخ

هلا والله بالعميري ترى خويي عميري وتعم فيه وفيكم ومااسمع في هذيل كافة والصف يزهابك يالامير

شباب , حماس

صحت الالسن والله يعطيكم العافية

متابع

قرناس بني ياس المشرف المكرم حياك الله ومتابعتك تزيدنا توهجا ً بإذن الواحد الأحد

موووبدعييييييين الله يحفظكم

واصلواا خلوهاا محااورة او مدري وشي

الي هووو


مشالله مبدعيين بمعنى الكلمة


وااصلواا اتاابعكم

حفيدة ابوعادل الله يحيي هالطلة أسفرت وأنورت واستهلت وأمطرت

خلوها

إن كان لابد السهر فخير منها ركعتين .. مغنيني الله عن جنيهات العرب وريالها
طولتها وهْيه قصيرة كلمتين وكلمتين .. ارطن بها والحن بها واحذف بها واشتالها