كلن على همه يعد المواجع (؟؟؟) وأنا على همي تكتمت ياسعود

[poem=font="Andalus,5,#800080,bold,normal" bkcolor="" bkimage="" border="double,3,#ac5668" type=2 line=0 align=center use=ex num="0,"]
كلن على همه يعد المواجع = وأنا على همي تكتمت ياسعود
من ماوضح بالعين ماهوب راجع=والمال ماله في رجوعه ولا فود
ولايرجعه كوم البشر والجعاجع =ولا ترجعه دمعات ضايق وملهود
يضيق في الكون والطير ساجع=وتضيق بي نفسي لياهبت النود
واعاف من حلو الكرا والمضاجع=واجلس أحسّب حسبت النقص والزود
يسريبي الهاجوس والكل هاجع =لاخر مدى والناس في نومها رقود
ماهو هوا لام الثمان اللواجع =اللي شعار الموت بعيونها السود
ولاهو طمع بالمال والا المراجع=الله كريم وقسمته مالها حدود
الا من اللي لاذكرته أنا آجع =واصير أنا كني من الناس مظهود
ويصيبني من بين الاضلاع فاجع=كنه تمثنى الجوف ملحاً وبارود
واكثر عذابي لاذكرت المفاجع =وذكرت من كان امس بالعين موجود
جنت جنوني ثم عفت المهاجع =ياليتني فالمهد أنا مت مولود [/poem]

جنـت جنونـي ثـم عفـت المهـاجـع
ياليتنـي فالمهـد أنـا مـت مولـود

صح لسانك يا عوض

الله لا يهينك قصيدة طيبة وجزلة

السلام عليكم ورحمة الله وبركاته


لاهنت اخي عــوض صح لســانك ونرحب بك فالمجلس النبطي وننتظر جــديدك

تحياتي

السلام عليكم ورحمة الله وبركاته

صح لسانك اخوي عوض العتيبي ..
ولاهنت.
قصيدة راقية تحمل الكثير من الألم ..

ننتظر جديدك ولاشك ..

حياك الله .

صح لسانك اخوي عوض

قصيده جميله استمتعت بقراءتها

لا تحرمنا جديدك يالغالي

سلمت يا عوض على هذه القصيده الجزله
واتمنا انشوف جديدك

شكراً ..

قصيدة رااااائعه بالفعل

صح لساااااااااااااااانك

صح لسانك..

ويعطيك العافية..

صــح لســـآنـكـ آخـــوي عــــوض
نطمــع في الجـديـد
وحيـــآكـ اللــه

صح السانك وعلا شاآآآآآآنك ولا هنت

صح لسانك