الموادع ...

[poem=font="Arial,4,#ac5668,normal,normal" bkcolor="" bkimage="" border="none,1," type=1 line=0 align=center use=ex num="0,"]


غابت الشمس عني وانزحن النجوم=ساعة الصفر حانت والموادع فضيع
اتركوني في ضلمة من وراها عتوم=كل ما امد كفي في دجاها يضيع
اتركوني لحالي مع قطيع الهموم=كيف يقوى ذياب الهم قلباً وديع
قلبي اللي من اول كان واحة غيوم=امحل اليوم واصبح قفر مابه ربيع
مابه الا نسور الحزن قامت تحوم=والسباع الضواري قطيع اتلى قطيع
فوق مابه رماه الوجد رمي السهوم=مابقى فيه شبراً غير ينزف وجيع
وجمّعت لي طعوني من جميع القسوم=لين بيّحت سداً في الليالي منيع
باح سداً من اول كان مثل الرجوم=وانحنيت لجروحي عقب ماني شجيع
الجمل طاح حيله من شديد السقوم=والسكاكين طاحت من يدين الجميع
صرت بعده بقايا أو مجرد رسوم=يفصل الموت عنها حد حبلاً رفيع
من سبايب فراقه ذقت طعم السموم=لا بسيطٍ بلاها ولا شفاها سريع
من سبايب فراقه كل ما اقعد واقوم=شفت انا الهم عاوي بادياً كل ريع
من غدت له حظوظه هي كبار الخصوم=والله انه ليبطي في يديها صريع
دام الاحزان سوقي وماش غيري يسوم=المكاسب دموعي كل ماشري وابيع
طعت وقتي وجيته بعد عذلٍ ولوم=كنت قاسي وطعته يوم عيّا يطيع
غابت الشمس عني وانزحن النجوم=ساعة الصفر حانت والموادع فضيع[/poem]