الرضاعه - ::{ مجالس قبيلة هذيل }:: موقع يهتم بتراث القبيلة ومفاخرها

11-18-2007, 11:49 PM

اخوانى السلام عليكم ورحمة الله وبركاته

هذه القصيده اوردها لكم للعبره اكثر من ان تكون نصيحه

يا ناس لا والله لبشنا وتكفون=نبا الحلول العاجله والسريعه

اعانى وغيرى فى القبيله يعانون=من مشكله صارت وربى فضيعه

بعد طلبنا الله السهالات والعون=و نوينا نكمل ديننا والشريعه

جينا نبا نخطب ونختار باالهون=بنت الخلال الى لهلها مطيعه

قلنا فلانه قالوا ابعد يامجنون=هذى ترا لختك شقيقه رضيعه

والثانيه والثالثه ما يجوزون=ذلى معك رضعن رضاعه شبيعه

طيب وبنت قطيرنا الى تعرفون=يقولون زينه وباالأدب فى الطليعه

قالوا رضعة معنا وتوك صغنون=دورعلى اخرى فى الديار الوسيعه

صارن خواتى ياعرب حول مليون=واصبحت متميز وخارق طبيعه

ما كنهم الى بقارن يحلبون=هم حطمن سميلاك و الى يبيعه

يا هذيل اوصيكم بعد صرت مغبون=مما جرالى ياالرجال الشجيعه

نبا الرضاعه بعقل وبشى موزون=وما تكون بعد اسنين صدمه شنيعه

وسلامتكم

11-19-2007, 01:55 AM

صارن خواتى ياعرب حول مليون=واصبحت متميز وخارق طبيعه

هههههههه

والله وأنا أخوك ما قدرت أمسك نفسي

تناولك رائع لقضية الرضاعه

وتحويلها لموقف فكاهي

يمكنك من طرح رأيك بسهوله

أحسنت كحيلان

وصح لسانك

11-19-2007, 04:56 AM

وعليكم السلام ورحمة الله وبركاته.

تسلم اخوي كحيلان ..
وبيض الله وجهك وربك كريم ..

صح لسانك ولاهنت ..

11-19-2007, 07:07 AM

وفي نهاية القصيده نص بنات الشعب السعودي خوات بالرضاعة

ههههههههههههههههههه

صراحة أسلوب فريد من نوعه في سرد القصة بلون القصيده

صح لسانك أخوي كحيلان واصل ابداعك