ضربة المشعاب من يمناي في راس الزلامي/أبومشعاب والزلامي
الشاعر عوض الله أبومشعاب والشاعر رشيد الزلامي
قوة بأبتسامات غامضه هههههه وأبومشعاب يقول للزلامي خل الصفوف يشيلون البيوت أول وبعدين رد ههه
طبعاً عند الامير فيصل بن خالد أطال الله عمره
أبومشعاب :
ياسلام بردةٍ منـي ومـن غيـري رددهـا
للأمير وللرجال الحاظرين أهـدي سلامـي
عمها يقتص جرتها ويسعـد مـن سعدهـا
ضربة المشعاب من يمناي في راس الزلامي
رشيد الزلامي :
ياهلا يامرحبا والسابقـه تطلـع بيدهـا
زان سوق المعرفة والمشترى والبيع حامي
يا عوض الله ماتباع السلعة الا في بلدهـا
أمسك السكه ومشعابك براسك ياحرامـي
أبومشعاب :
علموا ياهل القرى عن مزنةٍ هلت بردها
وقعها حسب العلوم امن السهال اليا نعامي
والمعاني ثوبها في مضى مكسي جسدها
مير جاها واحدٍ مفطر وخلق الله صيامي
رشيد الزلامي :
أنت جاك الموت منها ما سمعت الا رعدها
يا عساها ما تقفي لين يروى كل ضامـي
من سبايبها ذلولك روحت تركض جهدها
ماتريعها عصاك ولا يريعهـا الخطامـي
أبومشعاب :
يا رشيد أنته عطيت الاوله واللـي بعدهـا
متجه يم اليمن لو أتجـاه الـدرب شامـي
وأنت لك جلسه مع المشعاب قاضيها عقدها
قلت لي واليا فضيت الصبح نعطيك العلامي
رشيد الزلامي :
أكثر العالم يشيل ذنوب ما يحصي عددهـا
مير هذا حظك المقسوم يا الحـر القطامـي
ياحمر يا العينين بنت سليم وش سمت ولدها
ظنكم من حظرمي قطاع تشرون الأسامـي
أبوشعاب :
العشيه تطوي الحجة بعد خصمك فردهـا
وأنت من طبعك تزود ملحها فوق الطعامي
بنت أبوزيد الزلامي عن عملها من نشدها
من نشدها في زمان العام يوم الوقت حامي
رشيد الزلامي :
الشهادة صدق ولا زور تغوي من شهدها
وأنت لو تصيب مرة رميةٍ من غير رامي
وأنتهت المحاورة قبل أذان المغرب بدقائق
تحياتي
|