سر ياقلم واكتب كلامي بعد ما طال السكوت

سر ياقلم واكتب كلامي بعد ما طال السكوت
كلمة وفا وأبغاك يا راعي الوفا تفطن لها
الناس في الدنيا تعيش وفي اخر العمر بتموت
كالشجرة اللي مرها العبد وجلس في ظلها
الكل يفنى ما على الدنيا مقر ولا ثبوت
بعض المناوي يتعب الرجال ما ياصل لها
اهون بيوت الخلق عند الله بيت العنكبوت
واعظم بيوت الله ليا قدر هدمها كلها
تب قبل ما تطوى السنين وموعد التوبه يفوت
صم زك حج وجاهد وكل الفرايض صلها
اذكر نهار يصير قبرك من ضمن البيوت
واهل القبور الله يعلم دوم وش يحصل لها
ينزل عليك من السما مرسول لا وصلك تموت
والروح من بين الضلوع الضيقات يتلها
في ساعة والصدر ما بين التضايق والكبوت
كل العلوم اللي ترى في القلب فمك يهلها
يالله تجعل قوتنا يوم القيامه خير قوت
يا من تعز بعزتك قوم وقوم تذلها
هذي نصيحه قلتها مير السموحه فالبيوت
اخذ النصيحه وانتفع اما القصيده خلها
نصيحة برفع بها صوتي وازيد الصوت صوت
اقولها واللي عقد روس الحبال يحلها

جميلة جدا..اضغط على المقطع التالي لسماعها بالصوت..

[media]http://www.abunawaf.com/filesplus/2007-06/item-K7FmvJh5od.mp3[/media]

جميل جدآ اخوي رحال

كلمات حلوه

والتلحين حلو مره

يعطيك العافيه و بيض الله وجهك

محاضرة دينينة في قصيدة ماشاء الله
كلها نصح وإرشاد وتذكير بحال الدنيا
وحث على فعل الخيرات .
سلمت يداك أخوي رحال والله يعطيك العافية .

صح لسانك والله يعطيك العافية

جميله اخوي رحال الله يجزاك خير مؤثره جدا اسأل الله بمنه وكرمه ان يجعلها في ميزان حسناتك وجميع من يشارك الله يوفقك

هذي نصيحه قلتها مير السموحه فالبيوت

اخذ النصيحه وانتفع اما القصيده خلها



أخي

رحال هذيل

القصيدة رائعة

جزلة

فارعــة

ولكن أخي هل القصيدة لك

إذا كانت لك فـــصح لسانك وبيض الله وجهك ولا هي غريبة منك
فأنا من المتابعين لقلمك الواعي

وإن كانت لغيرك

فصح لسان كاتبها وبيض الله وجهه

ولكن اذا كانت لغيرك فنص الحديث لأهله واجب
ومكانها يكون في المنقولات


تقبل مروري ومودتي

أخوك

مشكووووووووور يارحال

بيض الله وجهك

وصح لسان قايلها

الله يعطيك العافيه

أخوي رحال هذيل


وصح لسان قايلها

قصيدة رائعة


والإداء مؤثر


سلمت يمينك


وكل عام وأنت بخير ومن تحب

	المشاركة الأصلية كتبت بواسطة عبادي الهذلي

	جميل جدآ اخوي رحال كلمات حلوه والتلحين حلو مره يعطيك العافيه و بيض الله وجهك

الاجمل مرورك
وكلك ذوق ياخوي عبادي الهذلي
واهم شي انها عجبتك ووجهك ابيض على طول ان شاء الله

	المشاركة الأصلية كتبت بواسطة أبو حمدان

	محاضرة دينينة في قصيدة ماشاء الله كلها نصح وإرشاد وتذكير بحال الدنيا وحث على فعل الخيرات . سلمت يداك أخوي رحال والله يعطيك العافية .

أبو حمدان
ما شاء الله عليك وصفتها خير وصف
ويذكرني هالشعر بشعر ابو العتاهيه من حيث المعنى..
دمت بود

	المشاركة الأصلية كتبت بواسطة السرواني الهذلي

	صح لسانك والله يعطيك العافية

صحت ابدانك اخوي السرواني الهذلي
شرفني حضورك الزاهر ودائما لك بصمات رائعه في شتى المواضيع

عساك على القوه

	المشاركة الأصلية كتبت بواسطة راعيها

	جميله اخوي رحال الله يجزاك خير مؤثره جدا اسأل الله بمنه وكرمه ان يجعلها في ميزان حسناتك وجميع من يشارك الله يوفقك

الله يجمل حالك حبيبي
وما اقدر اقول غير امين لكل دعوه حلوه منك يا أميرنا

	المشاركة الأصلية كتبت بواسطة عز الرفيق

	هذي نصيحه قلتها مير السموحه فالبيوت اخذ النصيحه وانتفع اما القصيده خلها أخي رحال هذيل القصيدة رائعة جزلة فارعــة ولكن أخي هل القصيدة لك إذا كانت لك فـــصح لسانك وبيض الله وجهك ولا هي غريبة منك فأنا من المتابعين لقلمك الواعي وإن كانت لغيرك فصح لسان كاتبها وبيض الله وجهه ولكن اذا كانت لغيرك فنص الحديث لأهله واجب ومكانها يكون في المنقولات تقبل مروري ومودتي أخوك

صح لسان شاعرها وشايلها وان شاء ينوب ناقلها (اللي هو انا ) حاجه

ما قصرت يا غالي وكلانا مكمل للاخر بحول الله

	المشاركة الأصلية كتبت بواسطة هذلي والفخر لي

	مشكووووووووور يارحال بيض الله وجهك وصح لسان قايلها

ووجهك يااخوي هذلي والفخر لي

وان شاء الله نكون عند حسن ظن الجميع في كل ما نكتب او ننقل

دمت بود

	المشاركة الأصلية كتبت بواسطة هشام الهذلي

	الله يعطيك العافيه أخوي رحال هذيل وصح لسان قايلها قصيدة رائعة والإداء مؤثر سلمت يمينك وكل عام وأنت بخير ومن تحب

الاروع حضورك اخوي هشام
وكل اعوامك وانت بخير وعافيه ومن تغليه ويغليك