قمة الابداع

محمد المسعودي وصياف الحربي(رحمه الله)


المحاورة

صياف :

الليلة الليلة نبا نلعب على الطرق القديم = ونجدد الوقت القديم ونستعيد الذاكـــــره
يا شين حظك يالغريم اللي لقينا لك غريم = بعد غفلت بلعبة البيلوت ثم الباصــــره

محمد :

يا مطيب الطرقة مع الطرقي على الخط السليم = وانكان ما جات العلوم اليوم تاتي باكرة
أنا نويت آقف على جنبك وأدفك يالغشيم = و أذكرك ذاك الكلام إنكان ما أنته فاكـــره

صياف :

القاضي اللي يطلب الشاهد بعد راح الخصيم = بكرة يجيه الخصم الآخر والشهود مسافرة
بكرة تجيك الشمس ما بينك وبين الشمس غيم = ياللي تسابقني على الغبة ولا لك باخرة

محمد :

أنته توصيني على الدعوة وأنا حاضر مقيم = علومنا متقاربة وعلومكم متناثـــره
أنا ليامني نويت اضرب ضربتك فالصميم = والقبر له عامين في دار تحبه خابــره

صياف :

لو عندكم تمرة يا أهل مكة مثل تمر القصيم = تحركون الأجنحة مثل الطيور الناكرة
يمكن يدينك طايلة ،، سبحانك الله العظيم = وأنته منول ما تعرف الواردة والصادرة

محمد :

أنا أدري أنك صاحب الصاحب ولك قلب حليم = لكن ود العلم وأول ما تجيه تباشرة
أنا بغيت أنقذك وأنته ترغب العيشة يتيم = نسقيك كاس اليتم وأنته في سنتك العاشرة

صياف :
من يوم كنا ما نعرف الا الطريق المستقيم = ما عندنا خانة تضايف ، والجنازة حاضرة
قرّبت من يسرى البخيل ورحت عن يمنى الكريم = أما عيونك نايمة وإلا هبوبك ساكره


محمد :

أنته حديد سليم دايم ، وخلعوا قلبك سليم = وان شفت ضلك ند عينك تنفجع وتناظـره
أنا أعرف الأشرم ولا أناديه غير ابو شريم = ماعاد يسرع للسوالف والسنون الكاشرة

صياف :

فالمعركة ما يسلمون إلا الشيابة والحريم = يا كثر ما راحت على المسلم يمينٍ شاطرة
أنته مسافر بعد بكره من نعيم إلى جحيم = لكن بالله فك باب الجيب قبل تغـــــادره

محمد :

فالظهر تشويك السموم وصبح يعجبك النسيم = لا تحسبنك كاسب المعروف وانته خاسرة
اما سحاب صدق نوه يحيي عروق الهشيم = وإلا هذي الدنيا نصارعها ، وبصر الآخــره

صياف :

أزعلت عشرة من خزاعة بين زمزم والحطيم = ومحمد المسعودي أرضيته وأخذت بخاطرة
لا طاحت التهمة على العالم وطلعنا التهيم = يبا يعلمنا قبل خنقه وقلع أظـــــــافره

محمد :

تضحك مع خزاعة وعينك فالعسل وسط اليديم = وإليا نخيتك قلت دقوا للحرامي صافرة
أنكان مالبوك غير أنته ترى الشايب عقيم = تسلم ليا شافت جيوشي كل نفسٍ كافــره

صياف :

يقسم ثمانمية من أهل الخير شيطانٍ رجيم = أربعمية تاكل تمر وأربع مية متناحرة
ياكثر جيشك يالغليم مير عندك جيش هيم = تبا تروح كلها حسب العلوم الظاهــره

محمد :

نقرا على الشيطان بسم الله رحمن رحيم = يحشر بعون الله والقول المرتل حاشــــره
أهل الفصاحة والوفاء والصدق ما فيهم عديم = يبا يضيف الضيف ويصير المضيف خاطرة

صياف :

ترى علامات الصيام تبين فالوجه الرسيم = هذي علامات الديانة والقلوب الشـــــاكره.

السلام عليكم ورحمة الله وبركاته

أخوي أبو يزيد .

أنت في هذا القسم أستاذ بكل أمانة يعني ببساطة تبحث عن الجديد وليس فقط الجديد المميز ..

محاورة ممتعة .....جدا .
رحم الله صياف رحمة واسعة ..فهو شاعر محاورة من الصعب مجاراته .
ومحمد المسعودي شاعر ماعليه زود ولو أنه مقل في الظهور ولكنه يبقى علم .

أزعلت عشرة من خزاعة بين زمزم والحطيم = ومحمد المسعودي أرضيته وأخذت بخاطرة
لا طاحت التهمة على العالم وطلعنا التهيم = يبا يعلمنا قبل خنقه وقلع أظـــــــافره

أنته حديد سليم دايم ، وخلعوا قلبك سليم = وان شفت ضلك ند عينك تنفجع وتناظـره
أنا أعرف الأشرم ولا أناديه غير ابو شريم = ماعاد يسرع للسوالف والسنون الكاشرة

تسلم ابو يزيد ...

لاحظ قوة الفتل عند صياف في هذا البيت

أزعلت عشرة من خزاعة بين زمزم والحطيم = ومحمد المسعودي أرضيته وأخذت بخاطرة

ولاحظ قوة النقض عند محمد رداً على صياف في هذا البيت


تضحك مع خزاعة وعينك فالعسل وسط اليديم = وإليا نخيتك قلت دقوا للحرامي صافرة


شكراً على المحاورات المميزه التي تطرحها هنا وخصوصا محمد المظلوم إعلاميا والشاعر محمد شاعر

لايستهان به وقد أشاد به صياف في أحد اللقاءات في جريدة المدينه إن لم تخني الذاكره .


تحياتي .

[poem=font="Arial,5,#0000ff,normal,normal" bkcolor="" bkimage="" border="none,1," type=1 line=0 align=center use=ex num="0,"]
نقرا على الشيطان بسم الله رحمن رحيم = يحشر بعون الله والقول المرتل حاشــــره
أهل الفصاحة والوفاء والصدق ما فيهم عديم = يبا يضيف الضيف ويصير المضيف خاطرة


الله الله الله وكبر
هذا هو الكلام وهذه المحاوره فعلاً

فلا تبخل علينا بمواضيعك الرائعه

تقبل مروري[/poem]

اشكركم على المرور
ودام التواصل

بصراحه محاوره ممتازه وقويه بين شعار جزال

والله يعطيك العافيه يا ابا يزيد....
ما يسلمون إلا الشيابة والحريم = يا كثر ما راحت على المسلم يمينٍ شاطرة
أنته مسافر بعد بكره من نعيم إلى جحيم = لكن بالله فك باب الجيب قبل تغـــــادره

محمد :

فالظهر تشويك السموم وصبح يعجبك النسيم = لا تحسبنك كاسب المعروف وانته خاسرة
اما سحاب صدق نوه يحيي عروق الهشيم = وإلا هذي الدنيا نصارعها ، وبصر الآخــره

الله يعطيك الصحة والعافية يا بو يزيد

الحق يقال بأنها من أقوى المحاورات التي مرّت علي


أمتعتنا بهده المحاورة يابو يزيد


رحم الله صياف رحمة واسعه ، وأدام الله المسعودي ( محمد الإبداع )

[grade="00008B FF6347 008000 4B0082"]الله يعطيك الصحة والعافية

محاوره جميله


تقبل مروري[/grade]

محاورة قمة


رحمة الله على صياف الحربي


و أطال الله في عمر محمد المسعودي


شكرا لك ابو يزيد

محاوره رائعه والله يعطيك العافيه