غلا ء الاسعار

يالربع وش سبـة رفـع الاسعـار
الي بلتنا مع الظـروف الصعيبـه
من عقب ماكنا نحمل علـى الـدار
اليوم كل النـاس قالـوا امصيبـه
راح الرويتب بين تفـاح وخيـار
وش عاد باقي يالنشامى اشتريبـه
طفـرت والسبـه هواميـر تجـار
حسبـي عليهـم جعلهـم للغليبـه
نص الشهر وانا مسير على الجار
ابغى سلف الـورع يبغـى حليبـه
المشكله عمت على كـل الاقطـار
رحنا وطي عقب الغلاء والضريبـه
من عقب هذا الوقت كني على نار
بس اتلفت لجـل سـوق اعتديبـه
غصبن عليأ صرت مصيوغ الانظار
حالـي تـردا والسبايـب غريبـه
يالله يالـي عالـم كـل الاسـرار
ياخـالـق عـبـدك ويامعتنيـبـه
انك تزين عاقبـت كـل الاخطـار
ولا فيه غيـرك فالمـلا نرتجيبـه
منقول

قصيدة جميلة الله يسلمك يا ولد العم

وحقيقة هذه قضية اجتماعية مهمة كلنا نعايشها ونعاني منها

الله يعطيك العافية ابو خالد قصيده رائعه

الله يعطيك العافية

وتقبل مروري

مشكووووور يا خالد الندوي
على النقل
قصيده جيده وتدور حول قضيه مهمه فعلآ
ولوأني لي ملاحظه على البيت
حسبي عليهم جعلهم للغليبه
فلأحتساب على الله وليس على عبد
فيقال حسبي الله عليهم
وليس حسبي عليهم

من عقب هذا الوقت كني على نار
بس اتلفت لجـل سـوق اعتديبـه


سجل معارضتي للبيت السابق ورزقي على الله وأنا بناخيكم

نقل موفق

وصح لسان الشاعر

قصيدة تحكي معاناة حقيقية


ابو خالد تقبل مروري

وشكري لك على كل جميل


لكن يا أخوان هناك قسم خاص بالمنقولات والحاولات

فيا ليت كل قصيدة منقولة توضع فية

وهذا القسم (( مجلس الشعر النبطي )) خاص بقصائد الأعضاء فقط

مع الشكر الجزيل


..... تنقل من قسم (( مجلس الشعر النبطي )) لقسم المحاولات والمنقولات

حسبنا الله ونعم الوكيل ولاحول ولاقوة الابالله العظبم وهو ارحم الراحمين

( استغفروا الله واذكروه كثيرا عسى ان يرفع عنا البلاء والغلاء)