محاوره بين الشاعرين/مبارك الشبح و سامي الهذلي

[frame="7 80"]محاوره بين كلاً من الشاعر/ مبارك الحتيرشي الهذلي و سامي السويهري الهذلي

*&*&*&*&*&*&*&*
<< سامي >>

مرحبا بالصاحب اللي غير المله بمله ** ياعسى فالامر خير وياعسى فالامر خيره

والصحيب اللي يعرف العلم في قلبي محله ** والله انا ماتغيرنا على بصر وبصيره

<< الشبح >>

البقاء يالصاحب اللي ضيع المجهود كله ** وان نشدنا عنه قالو غير الديره بديره

ما جحدنا لك صداقه وانت دربك ماتدله ** حسبي الله فوق ناس تطلق اسهوم(ن)خطيره

<< سامي >>

يالمصلي لانقص فرضك عليك الفرض صله ** والله اعلم بالقلوب ومطلع فوق السريره

لأتكلم بالكلام الا معك حجه وادله ** والصحيب اللي سواتك مايغير في ضميره

<< الشبح >>

لأيغرونك جهينه لو كسوك ثويب مله ** الليالي ياوسيع العرف دايم مستديره

وبك انا مثبوت علمي والخبر وسط المجله ** وش يقول اللي مع العربان مايلقى بعيره

<< سامي >>

عارف اللي لي واعرف اللي علي وماش زله** حاسب احساب الكبيره واحسب احساب الصغيره

علمكم مثل الخيال الي صحاه وماش بله ** كل طير(ن) ياوسيع العرف ياقع من مطيره

<< الشبح >>

انت مازليت لكن المرض يقلون عله ** والدوى موجود وانته ماتبى حبة شعيره

علمنا يابوسعد مثل البهار بوسط دله ** ماخلطت الهيل يابن هذيل يامحلى عبيره

<< سامي >>

يامبارك لي حظ(ن) معتلي والشكر لله ** ماعلي اخلاف يابوزيد والدنيا مخيره

علمنا واضح على وضح النقاء مافيه خله ** والبلاء فالي يحط الشوك في جوف الحظيره

<< الشبح >>

وانت حظك معتلي لكن وسط القلب ذله ** والمريض اللي منوم جعل مافارق سريره

وانت وشبك يوم كبيت الوفاء فنجال دله ** رحت ترقص مع سمير ورحت ترقص مع سميره

&&&&&&&
انتهت المحاوره,,,[/frame]