اسعد الله اوقاتكم بكل خير اختر لكم هذه القصيده لشيخ راكان بن حثلين من بعض قصائده فى الاسر

اسعد الله اوقاتكم بكل خير اختر لكم هذه القصيده لشيخ راكان بن حثلين من بعض قصائده فى الاسر
______________________________________________

لا واهني يا طير منهو معك حـام ** والا انـت تنقل لي حمايض علومي

إن كان لامن حمت وجهك على الشام ** أيسر مغيب سهيل تبغى تحومي

باكتب معك مكتوب سر ولا لام ** ملفـاه ربـع ٍ كل ابوهم قرومي

سلم على ربعٍ تنشّد بالاعـلام ** لا واهنـي مـن شافهـم ربع يومي

ومن سايلك عني فانا من بنـي يام ** من لابـة ٍ بالضيق تقضي اللزومي

ربعي ورا الصمان وانـا بالاروام ** من دونـهم يزمـي بعيد الرجومي

ومن دونهم حوران ضلع ٍ بعد زام ** دار ٍ اهلها ما تعـرف السلومـي

حال البحر من دونـهم له تليطام ** ومن دونـهم مايات موج ٍ تعومـي

من عقب ما سيفي على الضد حطام ** اليـوم سيفي جادعه صار شومي

صارت سوالفنا معه مثل الاحـلام ** مالـي جـدا يكود عد النجومي

لامن ذكرت رمـوس عصر ٍ دام ** قمت اتـململ والخـلايق نيومي

يالله ياللي طالبه ماهـو يـظـام ** تفـرج لشخص ٍ لاجي ٍ عند قومي

الله من عين ٍ لها سبـعـة اعـوام ** تسهـر وتبكي من كثير الهمومي

الحال باد وباقي ٍ جسم واعظـام ** كنـه مـريض ٍ واقع ٍ ومحمومي

وقعت انا في ديرة ٍ ما بـها اسـلام ** والبـن الاشقـر ما يدار معدومي

سجين سجن ولاجي ٍ عند ظلام ** مقصور رجل ولا جزع ما يشومي

وصلاة ربي عد من يلبس حـرام ** وعداد مـا تذري ذواري سمومي

اخوي فارس



ويعطيك الف عافيه وتسلم يمينك

تقبل مروري

الله الله

بارك الله فيك أبو حازم نقل أكثر من رائع وموفق

الله يعطيك العافيه

علي الموضوع

قصيدة أكثر من رائعة فيها
طعم الشعر الحقيقي وعبق الماضي
تسلم يافارس الدهما على هذا النقل
الموفق .

الاخوة جني هذيل وذيب الفيافي لكم الشكر على المرور

الاخوة ماجد وابوحمدات تشكراتي لكم على المرور