محاورة عبد الله المسعودي وبكر الحضرمي

[سيف الهذلي]

بكر الحضرمي

هلا يامرحبا باللي حضر في حزة الرحمان === تراحيب الوفا وأهل المعاني في معانيها

ألا ياشاعر الهذلان قابل شاعر السلمان === بعد غابوا عتيبة شرهة الديرة فأهاليها

عبد الله المسعودي

لعل الك البقا يابكر بن زعزو ع بن عدنان === وأثنيها وأعدلها وأعدلها وأثنيها

مدامك في البريد أرسل مكاتيبي لهالصدقان===أنا أرسل لي رسايل مير ماجاني رددفيها

بكر الحضرمي


عسى ربي يبارك فيك ياللي تبحث السيسان=== تعيّن في حبالك وانتبه لا تنلوي فيها

ترى كلمتك هذي ضايعة ماجالها ضمّان === ظليمة والظليمة ياعميلي فوق راعيها

عبد الله المسعودي


انا ماني من اللي يزرعون الخوخ والرمان=== تمد اعذوقها وعروقها للسيل يسقيها

أعرف انك رضي فالعود وحنيّن على الاخوان=== وكل ٍ منتفح له عكة ٍ بالسمن ماليها

بكر الحضرمي


ياخوي الخوخ والرمان مايطلع بلا بستان === لكنك شجرة الزقوم ماتنبت نواميها

أنا دايم رضي فيكم ولا أقبل رجحة الميزان=== لكن اللي حفر حفرة لعله يندفن فيها


عبد الله المسعودي


أنا لو أعطي المجنون شاة ٍ من سمان الضان === وأدنّي له مية سكين مايعرف يذكيها

يقولون الرجال الخال يقعد سبعة الريعان === لكن اسليم مالزمت ولا ريع لبناخيها

:::::::::::::::::::::::::::::::::::::::::::::::::: ::::::::::::::::::::



محمد بن شريف الجبرتي (خال بكر الحضرمي ) يختتم القاف

يابن مستور وش مالك ومال فلان شال فلان === لقيت اللي يشب النار والرحمان يطفيها