كسرات يا أهل الهوى كسرات

لي شوق أخشى يناديهم
....... مر الأسى نار ذقناها
ما تقول لنا ايش يرضيهم
........ كل المساعي بذلناها
********




النوم لا داعب جفوني
............... واستبشرت بالمنام الروح
يحداه حادي عن عيوني
............... يفرض عليها السهر ويروح
********



يا أصحاب لاهلت الأعياد
........ واستبشر القاصي والداني
كأن روحي على ميعاد
........ في العيد مع كثرة أحزاني
********



لا سوس العرق طاح العود
......... لو كان تحته نهر جاري
يبقى حطب للعباد وقود
......... يحرق ولا حد عنه داري
********



خطيت الأشواق بحروفك
......... وأرسلتها والحبر دمي
يا ليتها تلــمس كـفـوفــك
......... وتعيش لحظة مع همي
********



ياللي تقول القساوه ليه
........ وما همك الوقت صكاته
قلبني الوقت بين يديه
........ حتـــى تعلمــت دقــاتـه
********


ما تشوف يا سيدي جورك
........ والقسوه اللي تمارسها
أتقنت في قصتي دورك
.......قصة أسى وأنت فارسها
* *******


و أبقى أتناسى أسى الأحباب
...... وأبغير أتنــاسى أســاميهـم
و إن جات لحظة أسى وعتاب
...... ما أبدي لهم شيء يرضيهم
********



آخر جزا قلبي الطيب
...... اللي لكل القلوب محب
سهمين جاته من قريب
...... رماهـا ما ثنــاه القرب
********



بدمع عيني كتبت الآه
...... بنبضات قلبي ودقاته
ومسبب الآه وين ألقاه
...... صعبت علي ملاقاته
********


رحت البحر أشتكي بلواي
....... أبحث لجرحي عن علاجه
ولما تعرف على شكواي
...... من علتــي هاجت أمواجـه
********



خليك في قسوتك خليك
........ وأنـا مـع الصـبـر خلينـي
لو كان هجرك لنا يرضيك
.......أنت اللي يرضيك يرضيني
رايي أنــا ما تغير فيـك
....... مهمــا تغـيـر وتجـفـينــي
أنت عدم راحتي تكفيك
....... و أنـا النظر فيـك يكفينـي
********



دخلت سجن المودة شاب
....... واليوم شايب وعمري راح
كل ما تقربت صوب الباب
....... مقفــول ومضيــع المفتـاح!!
********