رجز سيف الهذلي و وضاح اليمن

[سيف الهذلي]

ليلة من الليالي العامرة بالرجز كان التحدي عنوانها فكانت هذه المحاورة بتاريخ 19 \8\1424

...................................
وضاح اليمن

العب ترى لعبتك فن

لكن جنبنا العفن

جاك الرجز وانا (حسن )

فنون ماتعرف لها
.........................
سيف الهذلي

في السر والا في العلن

الشعر حنا له وطن

يوم انت ترضع في اللبن

احوالكم ناسف لها

..................
وضاح اليمن

وداع والمقصد نوسع صدرك

والا انت عندي ماتغير قدرك

طيان بايت والعشا في ظهرك

والله يفتح لك وسيع ابوابه

...........................
سيف الهذلي

وداعة الله مايفيدك غدرك

وحنا على راسك هدمنا جدرك

وان كنت تتحدى حفرنا قبرك

والهرج الاعوج عاد للي جابه

.............................
.... سيف الهذلي

وداع والدنيا عبرها

تردعك ويروعك خطرها

ياللي على الجوال ترسل

ركز معي واياك تكسل

وابعد عن النار وشررها
...

في ليلة ٍ نور قمرها

طابت ويا ما احلى سهرها

محد ً من الاشعار يزعل

واللي وعد لا بد يفعل

وابياته احنا ننتظرها

.... لم يستطع الرد عليها ...............

وضاح اليمن

يامرحبا ليلك مطول

نشبت ماتقدر تحول

وانا معك صابر واخول

برقا ً ولا نسمع رعوده

......
يبغالك الليلة ممول

ياشاعرا فعله مهول

واللي عن السكة تحول

ماتنفعه كثرة وعوده

............
سيف الهذلي

دام البقا ياللي تسول

واحنا لنا الترتيب الاول

نبدع ردح ماهو مقول

يعجبك لوتسمع ردوده
..........
يبغالك الليلة محول

اليا انشبك قوم وتجول

وان كان شفت الوقت طول

الدرب لا تخطي حدوده

وضاح اليمن

وداع وانا اعرف علاج الجني

باكور شوحط في يدي متثني

تصبح تصلي الفرض قبل السنة
.....
منت بخصمي مير وخر عني

واحذرك كفي ونهشة سني

ترا قدوم الغيث نو الكنة
................
سيف الهذلي

وداع محنا جن واسمع مني

خصمك تراه انسان شاعر فني

وراعي الباكور ما اخشى منه
....
يا شاعر اً يجمع جمل ويبني

سنك تكسر واليدين توني

حسيبك الله له عظيم المنة انتهت

.................................................. .......
وعند الصباح سكت وضاح عن الكلام المباح

الأخ (سيف الهذلي)

تحية طيبة

أخشى أن يتبادر للأذهان أنك تقصدني (وضّاح اليمن) بهذه المشاركة

وأنا مع احترامي الكامل لك لا أعرفك من بعيد ولا من قريب !!!!!

ولا أعرف هذ الرجز الذي أوردته !!

فقط للتنويه

وشكرا

[سيف الهذلي]

هههه غريبة انا اخبر ذاكرتك قوية . على العموم في غيرها اذا ما تذكرت هذي انتظر اللي بعدها ... اكيد تذكرها لان بينها ليلة وحدة

على فكرة تذكرت بيت للمسعودي الله يرحمه


السوالف ياعميل الخار مايحصى عددها

والدفاتر ماتضيع شي وافهم يالبيبي !!

ما شاء الله عليك أخوي سيف الهذلي


وما شاء الله على خصمك


والله من الرجز اللي ياخذ الواحد


قوه ومعنى ومبنى


صح لسانك ولسان وضاح اليمن


وكثر لنا من هذا الرجز

عناية الأستاذ: هشام الهذلي

مرفق بطيه ردي السابق

لإجراء اللازم

ودمتم

	المشاركة الأصلية كتبت بواسطة وضّاح اليمن

	الأخ (سيف الهذلي) تحية طيبة أخشى أن يتبادر للأذهان أنك تقصدني (وضّاح اليمن) بهذه المشاركة وأنا مع احترامي الكامل لك لا أعرفك من بعيد ولا من قريب !!!!! ولا أعرف هذ الرجز الذي أوردته !! فقط للتنويه وشكرا

هههههه

هشام الظاهر الصحيان من بدري خلاك ما تشوف ردي

الله يعطيكم العافية

تحياتي

الله يعطيك العافية يا سيف الهذلي انته و(صاحبك)لا أحد يزعل علينا
رجز ميه ميه ذكرتنا بالعرب الأولين

صح لسانك ولسان من هو معك سواً وضاح والا غيره

رجز جميل ورائع وواضح فيه روح التحدي

ماشاء الله عليك ذاكرة ممتازة

تحياتي

ماشاء الله عليك ياسيف ......وصح لسانك

ولاتكثر من الضرب تحت الحزام ..تراه ممنوع في عالم الملاكمه !!!!
ماعلمتنا الرجز هذا في قرى والا على الماسنجر والا على الجوال !!!

وعلى العموم صح لسانك أنت وخويك

وبيض الله وجهك

صح لسانك اخوي سيف انت ومن معك

وننتظر المزيد من ابداعك

رجز مستواه رفيع شكراً للشاعر المبدع (سيف الهذلي) وصاحبه الشاعر (الافتراضي) المشارك معاه وسواء هو (وضاح اليمن) ولا غيره هذا شاعر مبدع وشعره يشرف الناطق به وما قصرتم عساكم على القوة.

يا جمـــاعة

يعني أطلع من هدومي

والله العظيم مش أنا

ههههههههههه


لأن بصراحة الرجز (مدنفــس) مستحيل أسمح إنه ينسب ليه

مع إحترامي لك أخي سيف


والله عتبي على الإدارة كبير جدا

كيف أنفي إن هذا الرجز ليه ومع ذلك لا يــُعدل الموضوع ويزال إسمي منه !!!


لكن فدى يا رجال

	لأن بصراحة الرجز (مدنفــس) مستحيل أسمح إنه ينسب ليه

اترك التواضع ماشاء الله عليك شاعر ياوضاح اليمن أنت وخويك سيف الهذلي

يعطيكم العافية ياشباب على هالرجزة (وسواء ياوضاح كنت أنت شريك سيف بالمحاورة أو تشاااابه أسماء فمستوى الرجز رائع بالفعل وأرى به بعض المعاني المخفية من باب المعنى ببطن الشاعر وياليت الأخ سيف والأخ وضاح يفكون لنا بعض شفراتها

نعم بصراحة رجز رائع من الطرفين أيا كانا
رجز فيه قوة معاني وتحدي كبير .
صح الله لسان الشاعرين .

السلام عليكم ورحمة الله وبركاته

سبحان الله ..
من أقسم لك بالله فعليك أن تصدق ..

رغم أني لا أجيد هذا النوع من الفن لكني أحسست فيه الكثير من المعاني ....

بيض الله وجهك أخونا الشاعر سيف الهذلي .....وصلح لسانك أنت والشاعر الخصم ..


حفظك الله ..