مااودي الناس تدري وش يبكيني00

من عزنومي صحيت وشفت في عيني
دمع تهادى على جفني وانا غافي
سترت دمعي بكمي قبل يغربني
واخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا اوصافي هي اوصافي
امشي واقوول لطريقي لاتوديني
لعيوون ناس تبي تدري عن الخافي
امانتك00خلها مابينك وبيني
خابرك يادرب خوة عمر وسناني
ماودي الناس تدري وش يبيكيني
كرامة النفس ورث ابوي واسلافي
امشي واحس الحانجر في شرايني
والبردين شي وراي وينهش اطراافي
وحيد والليل بردونه يغطيني
تقول كن البلدروح بها السافي
الين ما اوحيت لي صوت بناديني
صوت اعرفه مثل ما اجهل وش خلافي
قمت اتلفت وانادي00لاتخليني
ماغيره الصوت00هذا صوته الدافي
ولمحت زوله من اقصى الدرب لافيني
مدري وش اقوول لكن حي هااللافي
تعال00شف غيبتك كيف اشرت فيني
تعال00شفني وانا اغرق عقب مجدافي
تعال00خذني ورحبي من عناويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الظافي
تعال وش فيك خايف00انت ناسيني
قطعت صوتي عليك وطال ميقافي
حتى بديت اشعر ان الحب معه بني
وان انت حلم عثى فيني وانا افي
لكن امانه ترى اللي فيني كافيني
ان رحت منك كذا مارحت متعافي
بصدق الحلم واحذر لا تضحيني
في خاطري كلمتين وان قلتها كافي
امانه عليك ان غبت عن عيني