مستور العصيمي وعبدالله المسعودي

مستور

................ رتب مكاتيبه
سلام ياربعنا اللي لكم هيبه
والطيب آلاد العصيمي معازيبه
يشهد له الشخص الأول مع التالي

عبدالله

كان القدامي وزانة هناديبه
قافٍ على آلادعمه يغنيبه
يامرحبا ياهلا ألفين ترحيبه
ترحيب غالي وينشر على غالي

مستور

أقولها وأرفع الصوت وأغني
تجميع الأعذار عنكم ما ردني
أحضر وألبي نداكم بلا مني
ربعي ولابه للأعذار مدخالي

عبدالله

تقولها أنت ظنك على ظني
في حلة الجود والهيل والبني
والعذر معدوم رد الخبر عني
ميقاف الأبطال في حقل الأبطالي

مستور

إي بالله إي بالله إي بالله إي بالله
مادام جاوبت صوتي يا عبدالله
حاسب على الكيف لا تحرق الدله
واحسب لفنجال كيفك وفنجالي

عبدالله

من يطلب العرف بالعلم ياصله
والشعر والعرف والطيب مامله
أنقى من الجزل وِأبعد عن الزله
وأخوض بالعرف زينات الأمثالي

مستور

ما ارخيت شوف النظر عند ماطايه
من فضل ربي على الطيب ممشايه
ولا أقصر عن أهل المواجيب نمنايه
منزال كسابة الطيب منزالي

عبدالله

لا صار للعرف والمرجله رايه
ساسي على الطيب من يوم منشايه
أقولها وأتخذ نظم وحدايه
وجنيه بجنيه وريال بريالي



مستور

الشعر سمي شعر لـ ارتفع شانه
يسمع وتروابه كبود ضميانه
حق علينا سوى عز بنيانه
من شان يبقى على مر الأجيالي

عبدالله

الشعر ما كل من طب بستانه
تسمع له الناس وتشجع الحانه
من لا يعزه ليا طاب قيفانه
وإلا عطى بالشعر مخرمٍ خالي

مستور

الشعر له يا هل العرف بابيه
قدام أغني بهذي وهاذيه
وكان لعبتبه يدين الحراميه
حطوه مابين شاري ودلالي

عبدالله

الشعر له في هل الشعر ماريه
مثل زملايه وقوم الشهاميه
وأقول يامرحبا ألفين مثنيه
ترحيب غالي وينشر على غالي

تعديل:

عبد الله : ميقاف الأبطال في حفل الأبطالي

مستور : ولا أقصر عن أهل المواجيب يمنايه

سلمت والله يامطلق

سلمت ودمت

اول مره اشوف هالمحاوره

والشكر طبعا لك يالغالي على النقل المميز

واسمح لي بنقل الموضوع الى مجلس شاعر هذيل

اعتقد البيت الاول
من هاجس رتب مكاتيبه والله ا علم
اشكرك على النقل

عز الله ما قط سمعتها

وهذا فن قديم جديد فكل قاف يغنيبه شاعر يمشي علاه خصمه مع تثبيت الغطا



الله يعطيك العافيه وتم حفظها في مستند خارجي

بيض الله وجهك يا مطلق


محاورة ناادرة اول مرة تمر علي


تسلم يمناك ولا عدمناك يالغاالي

وأنا مثلكم ما سمعتها إلا قبل أسبوع وقلت هذا اللي يسوى نزله المنتدى
وشاكر مروركم فرداً فردا

وبعدين لا تألف يا فخر هذيل هههههههههههههههههههههه

والله يقويكم

كني قط سمعتها بس مدري وين

من جد .

لكن ليست بهذا الترتيب والوضوح ، سلمت يالذيب وبيض الله وجهك
دام جبت هذي اكيد عندك نوادر كثير

والله يعيطك العافيه

سلمت يمينك يا مطلق على المحاورة الرائعة

سلمتوا ودمتوا بصراحة أنبسط يوم أشوف ردودكم


وشاكر لكم وبعنفٍ عنيف