ربعي الفهوم اللي تجي كل ميدان ...

[poem=font="Arial,5,#0000ff,normal,normal" bkcolor="" bkimage="" border="inset,3,#ff1493" type=0 line=0 align=center use=ex num="0,"]
بديت باللي يخـلق الانــس والجــان=الـلي رفــع سبــع بــليــا عــمــادي
وانا بـشـر مخلوق لي قلب ولســان=افزع واجيب إن كان نادى منادي
مـن يــوم ميـلادي لـيا وقتــي الآن=وانا بدوي واحمل طبوع البوادي
احمي الرجال ولا لفا البيت ضيفان=تلقى الـتـحيه والـكـرم والـسـدادي
وان جـا نـهـاراً فـيـه لـهـبه ودخان=احضر وعـنـهـا ماحدتـنـي حوادي
وهذي وصية من قديمات الأزمان=وصوا بـهـا ربـعـاً تـنوش الزنادي
ربعي الفهوم الـلي تجي كل ميدان=قـوم الـسـيـوف ومتعبين الجـيـادي
والـبـنـدق الـلي حـبـتـاً فوق نيشان=يـاكـم بـدت به في وجيه الأعادي
تـفـقـد وتـفـقـد طيلة الوقت فرسان=كـم واحـد من دون مـالـه يـفـادي
بـالـروح يـوم الـلاش خلوه طيان=لاسـد عـن مـالـه ولا ذاق زادي
اعطيت نبذة عن ربوعي ومن كان =ينشد يحـصـل لـه علومٍ جدادي
الـلي عـطـيته يعتبر بس عنوان=لكن يوضح مقصدي والمرادي
ابـغـيــك تفهم يا الذي كنت غيان=عني وعن رائي غديت متحادي
كبيت شور اللي من القوم فهمان=وتسمع لشور اهل العدس والزبادي
وانا ادري إنك سبت شوري على شان=تـقـول تـوه فـي اول الـعـمر بادي
قلتم صغير ولا دريـت إن الإنسان=بالعقل يـقـدر يجعـل طويق وادي
وانا ترى عندي من الوقت برهان=بالـتـجـربـه هـذي عـلـومـاً وكادي
مرت علي ايام احزان في احزان=واقفت وجات ايامٍ اخرى شدادي
والحين حتى لو قسى الوقت وإن هان=تـسـيـر عندي كنها شـي عـادي
وصـلات ربـي عد ماهل هتان=عـلـى نـبـيـاً دلـنـا لــلــرشـادي[/poem]


[frame="7 80"]للشـــاعــر / حـمـدي حــامــد الـخــلاوي الـفـهـمي[/frame]