بين حبيب و...................... تكفون علموني

ياسلام الله سلا علي النهج الصحيح
من ضمير يدرك انافضل الشعر اعذبة
ياحبيب لوبقي(لتر)في ديس المنيح
واستغاثك عود عطشان يمكن تشربه
مرحبا من صافي القلب ولسان فصيح
والعباره للقصيد(اعذب)والا(اكذبه)
اللبن ماينفع العود خله يستريح
والشقاوي ماله الا نصيبه واتعبه
اشغلونا اهل الدعايات باسعارالفتيح
والفتيحي معه قرشين وآل حاسبه
كل مسلم خاف رب البشر ما يستبيح
شي ماهو من حلاله ولا هو بسببه
كل شي الا الذهب مير سعره مايطيح
والغني من الذهب يكنزه ما يجلبه
ياسعد الطيب اللي علي هبات ريح
ان لفيته وجبك ولفالك وجبه
وان غدرك الوقت ياطير شلوى لا تصيح
يمدي التاريخ عبا رفوف المكتبه
كل ما هبت عليكم من الايام ريح
كل طيب من يمينه ودقنه واشنبه
الكريم اللي عطاني وانا ما ني شحيح
وانت كبرواحسن الظن والله اطلبه
كثروا العشاق كل يقول اني جريح
واجد اللي يلبس الثوب واللي يقلبه
نعرف الوجه المبشر من الوجه القبيح
يمدي السكين تاكل قاشر الحبحبه
كثرة الغلطات واللي بقاء عيسى المسيح
لو نزل في الارض طبعا يقوم بواجبه
الحليم اليا غضب محتمل سده يبيح
والحكيم اليا غضب فتقوا شر اغضبه