المغترة (29):معك عشرة من هذيل وكلكم رجلية//الزلامي//والسناني

السلام عليكم ورحمة الله وبركاته





من اجمل محاورات المغترة 29



جمعت بين الشاعرين الكبيرين (رشيد الزلامي ) و (محمد السناني)







رشيد الزلامي



بسم فيصل سيدي من منبر المغتره===للوطن منا سلام وللمليك تحيه


اخويانا اليوم اشوف كبودهم محتره === كن فيهم شي بين الراس والطاقيه






محمد السناني



بسم فيصل سيدي تنعاد مية مره===الله إنه يحفظ الرعيان والرَعيه



الزلامي ياجماعه مايوقف شره===في يمينه سم داب وفي يساره حيه






رشيدالزلامي




خيرة الله يالسناني وش معك فالصره===يانظيف القلب مدري ياسليم النيه


العرب شافوك مابين السهل والحره===معك عشره من هذيل وكلكم رجليه







محمدالسناني




الزلامي في يدينا ننفعه ونضرّه===مار مانقدر نبيح علومنا السريه



شفتنا بالعين ولا مستلم لك جره===انت وش دخلك بين اوضاعنا الشخصيه





رشيدالزلامي


مشكله لو صار فالجهنان عالم ذره===ياالله استر لاتحوص الكوره الأرضيه



ندفع الدنيا قدم وهي تجي مفتره===خل رجل معقله والثانيه مثنيه




محمدالسناني


آخذين العلم رغم عيونك المحمره===أنت لاهالحين مانته كامل الحريه



قوم ذوق اللقمه الحلوه وذوق المره===لاتقول إنك عطيت اللمسه السحريه




رشيد الزلامي


الغريب انك على بعض العرب تتشره===ماتعرف انك زعيم الكتله البحريه


الحظير اللي بدربك من زمان تجره===شب فيه النار ولا علم الدوريه




محمد السناني


الغريب انك تحسب انك تجيب الدره===وانت نافذة عليك احكامنا الشرعيه


وانت شيخ من القبيله والعرب مضطره===في عيون الناس تعطيك اربعه فالميه




:::::::::::::::::::::::::::::::::::::::::::::::::: ::::::::::::::::


اتمنى ان تنال اعجابكم



((منقول))