محاورة وش رايكم فيها

الهذلي

ياسلام الله عليكم واسمعوني ياعتيبة

من ضمير اللي تغنى واطربه لحن الاغاني

من ضمير جاه علم وجاه شك وجاه ريبة

و اقسم يشوف الحقيقة ويحتميها بالبياني

العتيبي


مرحبابك يالمسلم والمصايـح وش تبيبـه
دام جيت اهل المعزه خل صوتك في طماني
المكان اله احترامه وانت طبيت بمصيبـه
كيف يطرب للأغاني واحدٍ حـب الاذانـي



الهذلي

مرحبا بك يالمصيبة عد خير وعد طيبة


مير طبيت البحر واحذر يجيلك علم ثاني

الخبر جاني وابوكم ياعتيبة من يجيبة


منهو اللي يحزمه ويوثقه ساس ومباني

العتيبي
سالفتكم ياجماعه صارت بلحظه غريبه
كيف سلمتوا ورحبتوا ومرت في ثواني
مانعرّف واحدٍ معروف واجداده عريبه
وانت ماتبرابك الذمه على مر الزماني

الهذلي

انشدوا عنا السيوف الصاقلة وخيل رهيبة

وانشدوا عنا الشعر واهل الشعر واهل المعاني


ياعيال الشايب اللي مات ولا حي(ن) دريبه

مير شايبكم نسى قسمه واخذ قسم اليماني

العتيبي

ان نشدنا ماسمعنا.. وان سمعنا .جات غيبه
والله يحاسب على الكلمه ومسموع الاذاني
ياعسى شيابنا في جنـة الخلـد الرطيبـه
سنّعوا شيبانكـم وقـت الزمـان القلبانـي


الهذلي

كل حي يالعتيبي لن رحل يلقى نصيبه


والله يحاسب على السرقه ياهل ذيك المحاني


العرب وقت اللوازم كلن قروشه في جيبه


والعتيبي له سنه يطرد وراء قروش الضماني


العتيبي

صاحبي من يوم غنى والعرب تدري بعيبه
واشهد انه ماتعلم في زمـان الامتحانـي
يومها بالسيف والميدان والدنيا صعيبـه
مالقينـك علـوم ولا عرفنالـك مكانـي