يكفيه ذكر أسمه محمد عطيه

[poem=font="Arial,5,,normal,normal" bkcolor="" bkimage="" border="none,1," type=2 line=1 align=center use=ex num="0,"]
سلام وتحيه كنها البن والهيل = من النشمي اللي يضبط الشاذليه
تصل للكريم ابن الكرام الحلاحيل = يمين تمد الطيب صبح وعشيه
زعيم ليا ذكرت فعول الرياجيل = يكفيه ذكر اسمه محمد عطيه
تفاخر بك الهذلان لا قالوا هذيل = ويفخر بك اللي فيه ذرة حميه
يا ابوي الليالي مقفيات ومقابيل = ابا اطلبك قلي تم وأصبر شويه
بيوت الشعر في ساحة العدل والميل = ولا كن شعري ماركة عالميه
لو اسعى ورى الشهرة جمعت المحاصيل = بشعر ٍ يمجدني وينعم عليه
أقدم بيوت كنها صافي النيل = دوى للقلوب وكل نفس شقيه
يسر الصديق ويطربه بالمواويل = ولعداي مثل الميسم بكل كيه
يا شيخ الكرم والجود جيل بعد جيل = طلبتك رضاك ولك سلام وتحيه[/poem]