قصيدة العاشق المجنون

[align=center]ابد.. ما جيـت ابـارك لـك ولكـن جيـت باوصّيـك

على اللـي نـاوي ٍ تدخـل بهـا الليلـه .. مُعذّبْتـي

ترى لولا الظروف اللي عطتْك.. وحدّت مْحاكيك

قسـم بالله مـا تـدخـل عليـهـا لــو عـلـى رْقبْـتـي

ولكنّ النصيب اقوى ولا ادري ويش اسوّي فيك

نعم .. صـارت معزّبتـك .. ولا صـارت معزّبْتـي

كذا شـاءت بنـا الأقـدار تحرمنـي.. لجـل تعطيـك

كذا لازم عشـان تفـوز إنـت .. اخسـر بتجربْتـي

تـراهـا غالـيـه جــداً .. وتكـفـى .. والله يخلـيـك

تــــدللها .. تـدلـعـهـا .. تنـسّـيـهـا مصـاحـبْـتـي

أنا من كثر ما اغليهـا أحـس انـي بديـت اغليـك

ولا تسـأل بـأيـة حــق.. ولا ّ .. وش مناسبْـتـي

لإنـك لـو بتسألنـي بتسمـع شـيء مــا يرضـيـك

لـذا يـاخـوي لا تـسـأل .. ولا تسـمـع لأجوبْـتـي

أبيـك تحطهـا فـي داخـل عيـونـك وبـيـن ايـديـك

وهـي دلـوعـه اعـتـادت عـلـى كـثـرة مداعبْـتـي

فداعبهـا شـوي شــوي حـتـى تشتـهـي طـاريـك

وشاغبـهـا إلـيـن تـقـول لــك: بـطّـل مشاغبْـتـي

واذا هي مالها خلقك.. ولا تضحك.. ولا تسلّيـك

تحمّلـهـا وإسألـهـا: يــا عـمـري لـيـه عصّبْـتـي

وبالـك اسمـع انّـك يـوم تضربهـا وهـي تشكيـك

مـا يحتـاج اورّي لــك بـفـن الـضـرب موهبْـتـي

صحيـح انـك بتملكـهـا ومـعـك العـقـد بالتملـيـك

وانـا عــارف حــدود الله ومــن حـقـك معاقبْـتـي

ولكـن قلّهـا "المجنـون" وصّانـي وهـو يعنـيـك

يـقـول انّــه بينتـظـرك ولــو شـيّـب.. وشيّبْـتـي

وانا مجنونها اللي مـا نساهـا وانـت مـا يمديـك

تغطّـي ذكرياتـي فـي هـواهـا.. وربْــع تجربْـتـي

أحس انـي تماديـت بكلامـي.. والغضـب حاديـك

لـو انّـك فـي مكانـي مــا تفـكـر فــي محاسبْـتـي

كفاك اني تركت الليلـه اشغالـي.. عشـان اجيـك

دخلـت القاعـه برجلـي ولا ادري ويـش عاقبْتـي

وانـا مـا جيـت اخـرّب عرسـك الليلـه ولا أذّيــك

أنـا جيتـك عشـان اخاطبـك واسـمـع مخاطبْـتـي

توصّى.. وانتبه.. واحرص عليها.. والله يهنّيك

ترى كل الكلام اللـي طلَـع مـن ضيقـيَ.. وكبْتـي

ولكـن مـا قـدرت انّّـي أقولـه وانـت مــا يخفـيـك

أخــاف انّــي إذا قلـتـه تـقــوم وتـقـطـع رْقـبْـتـي[/align]

صح الله السانك اخووووووي

ويعطيك العافية

تحياتي لك

رهيف الاحساس

مشكوووووور على القصيده

وصح الله لسانك

تحياتي يالغالي

صح السانك أخوي

قصيدة رائعة

يعطيك العافيه وماقصرت

صح لسانك يا صقر نعمان

ونحن في انتظار جديدك