سالفة دغيم و(كليب) - ::{ مجالس قبيلة هذيل }:: موقع يهتم بتراث القبيلة ومفاخرها

11-11-2008, 02:40 AM

السلام عليكم ورحمة الله وبركاته
ســــــــــــــــــــــــ ــالفة دغــــــــــــــــــــيم
قال دغيم الظلماوي :

يا كليب شب النار يا كليب شبه && عليك شبه والحطب لك يجابي

وعلي انا يا كليب هيله وحبه && و عليك تقليط الدلال العذابي

وهمن قاله كم بيت بس والله ما اذكرهن ،، ألين وصل لهالبيت :

والوالمه يا كليب عجل بصبه && والرزق عند اللي ينشي السحابي

فلمن سمعها الامير محمد الرشيد ،، استغرب من البيت الاخير اللي كتبته وقال:

كيف يسمي قهوته بالوالمه !! أكيد ان قصده انها جاهزه 24 ساعه ،،،

وفي ليله من الليالي السرمديه اخذ بعض الاخويا وقصد دغيم الظلماوي ،، يبي يتأكد من الوالمه هي والمه والا لا

مالكم بالطويله ،، همن يوم وصلوا لـ دغيم ،، حياهم وقلطهم وصب لهم من الوالمه اللي على النار،،

فقال الامير فقال الأمير وشتامر كليب بشب نارك؟ ( كليب على ما اعتقد انه صبي دغيم )

رد عليه دغيم كالتالي :

مده رهن لولاك ما قلت يا كليب && ولا قلت شب النار و صر موقد(ن) له
في ليله تجدع سوات الشاهيب && نسريه تلصق الخليل لخله ( نسريه : الرياح البارده)
نطمع بعزك يا حصان الاطاليب && عسى الذي جمع حزمتك ما يفله

وهذا البيت الاخير هو مربط الفرس ،، ،، وباقي الابيات والله ما اذكرها ،،،

هذي سولافتي عليكم ،،،،، طويله قصيرةمزيونه