قصيدة جميلة مبكية تذكر ماضي الأباء والأجداد وعلوم الرجال وسلومهم الطيبة

قصيدة جميلة مبكية تذكر ماضي الأباء والأجداد وعلوم الرجال وسلومهم الطيبة



بسم الله الرحمن الرحيم

قصة القصية كما يرويها صاحبها / عبدالعزيز بن حمد العريني
يقول
في احد الايام كنت اتجول في الديرة القديمة بين بيوت الطين والدور التي كانت محل سكن الكثير من الناس الذين تجمعنا بهم اواصر القرابة والجيرة والمحبة التي كانت تسود في مجتمع القرية الصغير المتكاتف والمتساعد فكل مكان يذكرني بشيئ إما شخص قريب لي من اب او جد او عم او خال او ام وجدة وقريبة وغيرهم من الناس الذين لن تمحاهم من الذاكرة فهم جزء منك كشخص يبقون معك ما حييت وفي مكان اخر اتذكر احد اهل هذه القرية وحوادث صابغة في الذاكرة وكاني انظر الي هذا المجتمع الذي عشت فيه ردح من الزمن امامي وخاصة عندما دخلت بيت ابي رحمه الله وتذكرت مجلسة الذي كان يغص بالضيوف من الجماعة او غيرهم وهذا طبع اهل رغبة جميعا من قديم الزمان والسوالف الجميلة والعلوم الطيبة التي كانت هي السائد في مثل هذه المجالس وهذه العلوم وتلك الحياة لاتخفا على من عاش فيه لكن لعل هذه القصيدة تصور تلك البيئة لمن لم يعش فيها ولقد هاضت قريحتي بهذه القصيدة

على ذكرى الزمان اللي مضالي هل دمع العين
تذكرت السنين الاوله والدمع همالي
يلج بداخلي ذكرى ربوعي والزمان الزين
وفكري من هموم القلب وصدوف الزمن خالي
يورى في عيوني مجلس الشايب وبيت الطين
مداهيل الرجال اللي لهم بالطيب منزالي
مجالسهم مجالس للشجاعة والكرم والدين
تنومس راعي الطالة وتغبن كل بطالي
مهي مثل المجالس ذا الزمان اللي قبوله شين
مغير السالفه وسط السياسة واسهم المالي
اخذت بسجتي ساعة بعد مافقت مدري وين
زواني هم قلبي عقب جيت الدار بلحالي
غدت عيد النخل صرعا وطاح السور والبرجين
تصدع وانهدم جنبه وزرنوق اللزا مالي
ولاباقي سوا السدرة والاثله تبكي الماضين
مع البركة وبرجستن حديد مصدي بالي
تكلم عن زمان راح يوم المد عن عشرين
تريد ابه الثنا مادورت به قرش وريالي
زمانٍ راح مايمكن يعود ودق فيه البين
انا مالي سوا الذكرى ولوهي كدرت حالي
الا يادار وين اهل الكرم واللابة الوافين
صورهم في عيوني وين ماوجهت تبرا لي
الا ياوقتنا اللي سم حالي فوق عشر سنين
على فقد النشاما كل غالي يتبعه غالي
بكيناهم بدمع حرق الجفنين والخدين
ولوكان البكا مارد لي عمي ولاخالي
انا وقفت من فوق القبر عقب العصر ياحسين
علامات الحزن فوق الوجيه وصرت مهتالي
اسولف مع هجوسي وانشد الخاطر بحين وحين
زمان اول لحقته صدق والا هو يورا لي
بكيناهم وحنا ندري انا عقبهم ماشين
ترا دنيا الفنا ميقاف منزالٍ وترحالي
الا يالايمي خل الملامه واترك التخمين
انا شاعر واعبر عن شعور دق في بالي

يا سلااااااااام

والله قصيده جميله

ولها شيله بصوت الشاعر شيله رهييييييييبه


يعطيك العافيه اخوي الساهر

قصيده جميله للغايه اخوي

على اننا ما عشنا بزمنهم

لكن من وصفه في القصيده تحس بزمن كانوا الناس فيه براحه

ولا شي يكدرهم



صح الله لساان الشاعر

وسلمت اخوي على طرحها لنا

	بكيناهم وحنا ندري انا عقبهم ماشين ترا دنيا الفنا ميقاف منزالٍ وترحالي