يكفــــي ألــــــم

[poem=font="arial,5,#8b0000,normal,normal" bkcolor="#c0c0c0" bkimage="backgrounds/1.gif" border="none,1," type=0 line=0 align=center use=ex num="0,"]
يا صاحبي ما عاد فيها معاذير=النفس طابت والمفارق نويته
يكفي ألم يكفي دموع وتحاسير=يكفي بوسط الجوف جرحي خفيته
بشوم عن دنياك وأواصل السير=وبآخذ معي قلب بصدك جفيته
ما عاد لك في القلب حشمة وتقدير=من باعني برخيص لا ما شريته
من صغر سني وأنا منهجي غير=تكوين خلقي نادر ما لقيته
أطمح على الأول ولا لي باللأخير=وأبرز نجاحي في طريق مشيته
قول وفعل ماهو كلام وتعابير=وأكبر دليل انك لشعري هويته
لا انت ولا غيرك لك اليوم تأثير=فوق السحب عالي شموخي بنيته
ما عزني جمع الذهب والدنانير=راسي عزيز وكل رجم رقيته
دونت كل اللي مضالي بتقرير=ويا للأسف اليوم تو ما قريته
ما عاد باقي للجفاء أي تبرير=والحب من قاموس فكري لغيته
برحل وأخلي عيشة مابها خير=وأقولها للكل خلي نسيته
وان اسألوني قلت أنا خير ياطير= بعته مثل ماباع قلب عطيته[/poem]





النــــــــــــــــــــــ ــادره