رحله قنص

السلام عليكم ورحمة الله وبركاته

في يوم من الايام كنت نايم في الديره وفجاءه جاء في بالي اقنص وقلت يا ولد خله على الساعه اربعه فجر وفز انته والسوجن ومخباك ويوم جات الساعه اربعه والنور بدى يفج فزيت من مرقدي وتوكلت على الله وما اخذت معي الا قربة الماء وطويسه فيها تميره المهم ولا الصنقه(حلانه)فيها حس وبير وانا اخذلي كيس واونسله(اصفرله) واحتري واحتري......واحترى ويوم لديت ولاه مطلعن زقمه وانا اعطيه بالدرييل ويوم استوالي وانا اعطيه داخن ويوم انه تدربى وانا اجيه اعدي وامسكه واحطه فى الكيس وعلى اليوم كله طرحتلي ثلاث وبران غيره ويوم جاء قراب المغرب قلت يا ولد الي جبته يكفيك ومعك اثنين من اخوياك انزل من الجبال المتصدعه هاذي وانا نازل سمعتلي حس(صوت)وانقز على الصنقه والا القرود مليانه ويوم بديت راسي ولا القرد(الكيش)يوم كمخني بهاك الكف الي الي الي الي قلب راسي وطرحني من فوق الصنقه واغمى علي وما ذهنت الا ولد عمي مقومني في مستشفى الزيمه يا ولد وش العلم انا ويش جابني هنا وين الوبران الي طرحته قال انا جيت ما لقيت معك شي الا قربة الماء وطاسة التمير.........وقلت في خاطري تيتي تيتي زي ما رحتي زي ما جيتي بتضحكون اضحكوا بس بشويش


مع تحيات المشعلل:والسلام ختام