مصاحفه اولى لقلوبكم( محمد صلي الله عليه وسلم )!!

ايمانا بانه صلي الله عليه وسلم خاتم الانبياء وخير ولد ادم ومساهمة مني كفرد من امته كتبتها لك يارسول الله عسي الله ان ينفع بها كل من قرائها 00
كما انها رد علي تلك الادعائات والرسومات المسيئه ولكنه ردا بوجهة نظري الخاصه وعلي نهجه صلي الله عليه وسلم وعلي سنته..
لا غول فيه ولا تاثيم 000 اترككم لقرائتيها :


[poem=font="arabic transparent,5,#4169e1,bold,normal" bkcolor="" bkimage="backgrounds/15.gif" border="none,1,#800080" type=2 line=1 align=center use=ex num="0,"]
ريح مسك وريح عود وطعم هيل وزعفران = عطرت حرف القصيد وخاطري منها ارتوى

كل ذره في ثري الارض لك فيها مكان = مثل مافي قلوبنا الايمان ومحمد سوا

يشهد التاريخ والدنيا ولاينسي الزمان = ذكر من ذكره دوا اللي يدور للدوا

يامحمد يارسول الله ياريح الجنان = خاتم الرسٌل الكرام ومعجزات لمن روى

ياشفيع ٍلامتك ذكرك عزيزٍ مايهان =الله اللي كملك والدين من كفك روى

يارسول الله سامح مسلم ذاق الهوان =وامتك صارت طوائف ذل يحكمها الهوى

النصاري واليهود اصبح لهم قدر وشان =بعد ماكانوا رعاع الارض والمسلم غوى

الفتن والطائفيه وعثرات اللسان =اصبحت حظ العدو فينا لعرض المحتوى

ويش اقول المسجد الاقصي سكت فيه الاذان=وش اقول لامتي والفرح والحزن استوى

كيف ؟ ادري كيف لن السيف مايعطي جبان =ولن ماتشفي جروح الذيب ولآونه عوى

اسال التاريخ عنا و ياما كان كان =كان مابه غيرنا تاريخ والحين انطوى

يوم كنا موحدين ومؤمنين وبالعيان =مانساوم في عقيدتنا ولو متنا طَوى

والله اني لاعتمرت وباني لي الركن اليمان =اتخيل نورك الهادي علي الدنيا ضوى

ووالله اني لاذكرت امجاد واسمع!! دان دان=ادري انا قول ينقص فعل يامال الخوى

ايه بإسم الحب ضعنا وعشرنا صارت ثمان =ايه بإسم العولمه 00(هاى)00 ماضينا هوى

والله اني استحي مما جنت هذي اليدان =وادري ان ابليس يرضي دون هذا المستوى

ماهو حل انا نقاطع ثم نخسر بالرهان =حلنا ندعو لدين الله من غير التوا

الله اللي كافيك نقري بايات البيان =وندري ان النار موعدهم ونزاع الشوى

لو علي نهجك مشينا كان عشنا جنتان =جنة الدنيا والاخرى وانت لك حوض ولوا

ياعرب نخلة عروبتنا نخرها الافتتان =كيف ناكل تمرها الحالي ونرمي بالنوى

ياخليل الله سامح اسمك الطاهر يهان =وامتي صارت طوائف ذل يحكمها الهوى

[/poem]