مانشتم عيال الحلال

[حسآم]

بسم الله الرحمن الرحيم







السلام عليكم ورحمة الله وبركاته










.................................................. .......











هش عني وفارق منت قد الجبال

دام مجدك من الأشعار ماهو حصيل

أرتقي عن دنوك وأبتدي بالوصال

وأطفي النار لاشبت فهاك الفتيل

كم هموم ً دحمناها وجاها زوال

ايه مايرجع الوقت الجميل الأصيل

اكظم الغيظ واشبحني بعين الخيال

مير لاتسبق التاريخ ياأبو خليل

المصيبة تنوّر مير تترك ضلال

كيف مرّت عجايب وأنت عقلك ثقيل

تو صفحاتكم بانت وتم المنال

من خلال الورق كفة عميلك تميل

يامشالله تطورتم وصرتم رجال

استفدتم وعقبتم للأجيال جيل

كل لحظة تفيد وجمّل الله حال

فكر عابر يقول الخصم دايم هزيل

قوقلتكم توثق بالجواب السوال

مير وين السوال اصمت وأنا لك كفيل

أثمر الجهد نبت وخابرين المثال

أندر الشعر يُدفن والمعوّض نحيل

من هو اللي مسّبب في الهشيم اشتعال

من هو اللي تقول الربع ماله مثيل

مانسبك ولانشتم عيال الحلال

اغمد السيف لايغلبك صوت الصليل

أبشع الوصف يسقط مايجيله مجال

مثل هاك الغراب اليا نعق بالهديل

وافقك شخص مايفهم وش الإعتدال

كل منكم بمجده نعرف إنه هبيل

لاجنوبك جنوب ولاشمال شمال

ولا هجوسك هجوس ولا دليلك دليل

كيف أسافر في سيارة وتزهم تعال

وأنت مركب حياتي ماش مثلك بديل





















.................................................. ....






الجمعة 5/9/1429


لا إله إلا الله وحده لاشريك له

والله ولي المؤمنين نعم المولى ونعم النصير