السيــــــاده ..

قصيده وصفيه اتمنة ان تلامس ذائقتكم الأصيله


انتـي تبيـن الشعـر اصـــوغـه قـلاده
وإلا ســـــوار... او يعـــجبك.. لا غدى تاج؟!
.
دامـك مـرام الشعـر واكبـر مـــــراده
لا تطلبـــينـه هــــو لبســـمـتْـك يحــــتـاج
.
في الشعـر دايـم ..للجمـال السيـاده
له تخضــــع ارقـاب القــــصايـد وتنــــعـاج
.
لـولا الوصايـف يـــــــوم تطلـق قيـاده
مــــا داج ..مابيـــــن الخــــــلايـق ولا راج
.
لا يـا عـــيـون الـــــي عطيـبٍ هــداده
لفتتـــك لـــو تدري بــــها جـرح ., وعـلاج
.
يلقـى بهـا قلبـي عطبْـه وضـــــمـاده
بسهام رمـــش اقواسها عكْـف الأحجـاج
.
وان سلهمـت ينسـى سهـوم الابـاده
مع نظـــرةٍ فيــــهـا الحـــيـا والتـرف مـاج
.
وجهك مثل صبحٍ صحـى فـي مهـاده
نـــــور الشــــــروق يلاعــــبـه بالتغـنّـاج
.
ابيك طفله ..مثـل مـا انتــــي وغـاده
سولافها..يكتــــب لـلأحـــــــلام الإفــراج
.
شفت السعاده وجهك انـت السعـاده
وان ضقت ضاقت بي وسـيعات الأفجاج
.
وشلـون يقـوون البـنـيّ الـركـاده
لامـن ضـــويتـي بيـــنهـم كنّـك اسـراج
.
زيـنٍ طغـى ماهـو فحاجـة شهـاده
لامن مشيــــتي بـدّد الصمـت الإزعـاج
.
كل الحـلا وان فـاض سهـل انتقـاده
لاكـن قفلـت بعـــــــينهـم كـل منـهـاج


تركي الصخري