قافله هذيل ... وعطا الله القارحي و عبدالله القثامي

[سالم السعيدي]

على منتديات نقض وفتل (قافله شعراء هذيل)







_ عبدالله القثامي ..

سلام الله سلام اسلام والله ينصر الاسـلام
اقوله من هجوس مالها في المخطيه طاري

عطالله له سنين طوال ما بين اليمن والشام
يدور للمراجل والمراجـل ليلهـا سـاري
،

_ عطا الله القارحي ..

هلا يا مرحبا ترحيب لا اسومه وهو ينسام
غلاته من صفاته والثمينه جالهـا شـاري

عطا الله يالقثامي ما ندم هذي السنة والعام
تحقق بي طموح ٍ ما يجيبه واحدٍ غـاري
،

_ عبدالله القثامي ..

يدوم الك البقا ياللي ترحب والسعـد قـدام
حقيقه في وثيقه وان شهد شري شهد خاري

لاكنك هالسنه يا صاحبي منته سوات العام
على راسك من احداث الليالي يذري الذاري
،
_ عطا الله القارحي ..

تبيها بالسند و الا تبيها ثاني استخدام
لك الله ما علينا لو تقول الصدق يا جاري

يدور الوقت و انصاف الليالي كل ابوها احلام
و انا راسي سوات النير لا مغطي ولا عاري
،

_ عبدالله القثامي ..

نبيها بالصحيح اللي عشانه تركز الاعلام
بعد ربي رمابك في يدين غلص ومكاري

تقوله يالهذيلي والعلـوم ملحمـه بلحـام
لكنك لا تطلع لليـال السـود وتمـاري

،
_ عطا الله القارحي ..

عرفت الحق يارامي بروحك في يد الدرغام
ترا من بعد هذي يالقثاني تمشيـا اجبـاري

ليا زلت لسُنا في حرا زلّتـك يـا الأقـدام
و انا ما شوف غير النور يا ساري بقماري
،

_ عبدالله القثامي ..

علاك الهون يا دندون ياويلك مـن الاعـدام
وانا ابا امشي على كيفي واشب النار بالناري

ولا يابعد جده غن بيقيـق وساحـل الدمـام
لاكن اطلع من جبال السراه لحـرة القـاري
،

_ عطا الله القارحي ..

أنا ماني مـن اللـي هـددوا مضاجـع الحكـام
و لا احتل المنابر , و اخذوا الحكمة من اشعاري

على بعد المسافة ما اقربـك يـا مالـج الأيتـام
و انا جندي من جنود الوطن و اعتـز بديـاري

،

_ عبدالله القثامي ..


مشينا واختلفنا في الطريق ومير ما تنلام
ولا يا قرب مشوارك ولا يابعد مشواري

عطالله يا عطالله لو نختمها بأعز اختـام
وتصبح بعد عفو الله بحفظ الواحد الباري

،
_ عطا الله القارحي ..
و لا ياعارفيـن الفـرق بـيـن الـجـح والشـمـام
تروهـا كلهـا عنـد القثامـي مـن زمـن ضـاري

و انا عندي ذهب , واصرف ذهب , و احيّر الأخصام
صباحك مثـل مـا تمسـي لـو ان الليـل سمـاري