ضيف جديد --- العب يامنور

السلام عليكم ورحمة الله وبركاته

اسعدني الانتساب لكم واعجبني المنتدى برموزه دون استثناء
وهذي مشاركه مني عساها تبيض الوجه

وبصراحه قريت المحاورات هنا ووجدت الشعار يبيضون الوجه وخصوصا الاخ منور وحبيت ابدع واقول :



سلام الله من ضيف ومعزب وان بغيتوا جار
------------
على روس الرجال اللي تعرف السوق وارباحه


نبا نصرف لكم ياهل الريال بعملة الدينار
-------------
بعد ماشفت منور فالحراج يهز مسباحه

سلام يابشت انا ماشوف منور لكن هاك الرد الى ان ياتي صاحبك

هلا يامرحبا باللي تسلم بادي المحضار===تراحيب تداوي علة المجروح واجراحه

تهرج ياعميلي ياعساها تمطر الامطار==وصاحبك المسمى ماسبح فالبحر مسباحه

حياك الله العب

:)

ياعلك للبقاء ياللي ترحب باكثر الزوار
-------
ترحب باهل مكه وانت عندك ضيف فالباحه

ترى التفتيش جايك وانتبه ياتكسي المشوار
------
ومسرع والقزازه فوقها مويه ومساحه



الاتصال معلق معي اسف

ترى الترحيب عاده من عوايد ربعي الاحرار===ارحب بالرجال الطيبه والنفس مرتاحة

تراني ماحسبت حسابهم يالجندي المغوار=== لو ان الجندي المغوار نتفناله جناحه

بشت الليل سرى وان شاء الله لنا لقاء

بكرة جمعة تصبحون على خير

	المشاركة الأصلية كتبت بواسطة مطـــر الجوفـــ في

	ترى الترحيب عاده من عوايد ربعي الاحرار===ارحب بالرجال الطيبه والنفس مرتاحة تراني ماحسبت حسابهم يالجندي المغوار=== لو ان الجندي المغوار نتفناله جناحه

مع الله

تبا تلعب وابلعب والاذاعه تنقل الاخبار
-----
عسا حظك يقوم وتشتهر وتجيبك الساحه

توقـّا النار ياراع الدلال وعس حيد النار
-----
لعلك بعدها تمسك دلال الكيف بالراحه

فمان الله يالربع وسامحوني ترى زياراتي قليله جدا لكن تشرفت بكم

صح لسانك يالمسعودي

وصح لسانك يالمطرفي

وتسلمون على الطاروق الخفيف

وفي انتظار القادم الاجمل

ونعم يالاخوان والحقيقه ان مفردات البشت ملفته للانظار عيني عليه بارده

صحت الالسن

صحت السنتكم يالمبدعين

ومعاليش يالغالي دائما بشت المسعودي والله اني البارحه نائم والا يشرفني الرد على مثلك وافتخر

وشهادتك لي ولشعار الموقع شرف لنا ووسام ولاعليك زود

ووالله العظيم انك رائع وابياتك رائعه

وومطرفي الجوف ماقصر بالرد عني

وجيت ارسلك يابشت على الخاص ولكن من مشاركاته تحت الخمسين اظنه لاتذهب الرساله الخاصه له

ومثلك يالمبدع ماودنا يقل بالمشاركات الجزله

وكانك تبيني اكمل المحاوره بس اشر وابشر ولي الشرف بس علمني انك فيه وانا جاهز

تحياتي وتشكراتي الابديه لك يالحبيب

السلام عليكم ورحمة الله وبركاته

الله يمسيكم بالخير اولا الشاعر منور يستحق الاشاده لما لمسناه منه من حسن اخلاقه وقوته وجزالته الشعريه ولا يهونون بقيه شعار المنتدي.
والحقيقه استمتعت بقرائتي للمحاوره واقول صحيتم يالشعار كان ودي المحاوره اطول لتزيد المتعه ...................................وعلمي وسلامتكم

من يعرف الشاعر بشيت المسعودي

فمثل هذا الشاعر يعتبر مكسب كبير ,,

حياك الله بين ربعك واخوانك بشيت المسعودي منور...وصح السانك انت والاخ مطرفي الجوف..ابدعتو صراحه موفقين خير

الله الله الله الله عزلله أستمتعت باللعب وياليت كملتوووووو

انا اشهد انك مكسب كبير جدا للمنتدى

اتمنى منك التواجد المستمر وشكرا.