تكملة للمحاورات بيني وبين الشاعر مطر الهذلي

هذه المحاورات والتي قبلها في موضوعي السابق ليست إلا نقطه في بحر المحاورت التي جرت بيني وبين اخوي مطر الهذلي ، وبالرغم على تعدد المحاورات التي جرت بيني وبين اخوي مطر الهذلي ، فلم يكن هناك مجال للحزازيات فيما بيننا او الزعل من طرف على الطرف الثاني ، ومن وجهة نضري أنه من يشعر بمثل هذا من الحزازيات والحقد على زميله المقابل له فهوه ليس بشاعر من وجهة نضري الشخصية.

اترككم مع المحاورات التي ارجو أن تنال اعجابكم

المحاورةالأولى

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يا سلام الله على اللي بالمعاني منمله=والغشيّم يبحث المدسوس والمذهب سعودي
واحد(ن)ضيع معانينا وخم العلم كله=مادرا عن شعلة الفانوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
مرحبابك من هجوس(ن)كل معقودٍ تحله=والغشيم إنعلمه بدروس والمذهب سعودي
مانبي نشره علىاللي يوم جاه العلم زله=واحدٍ حاس المعاني حوس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
كل واحد يا عميلي عارفن طبعه ودله=وانت رجلٍ من كبار الروس والمذهب سعودي
للأنشاما يا وسيع المعرفة ماجات زله=بس ويش اتقول للملحوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ملت الإسلام مالي غيرها في الوقت مله=وانت رجلٍ من هل الناموس والمذهب سعودي
راعي التكميل يفرح لا نصيته في محله=والمصافي بنها محموس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
فالمعارك فوق روس اخصامنا سيفٍ نسله=وانت في خصمي تجر الموس والمذهب سعودي
لا عب الكوره لعبها صح والمرما يدله=والذهب في كاسها ملبوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
من تحزم بالسيوف الشقر ما تطريه ذله=والخطر دايم ندوسه دوس والمذهب سعودي
الهدف مركوز في راس الجبل كل(ن)فطن له=واصبع الرامي على النادوس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ما طرانا بالضمير الخوف والعاصي نتله=والخطر دسناه دوس السوس والمذهب سعودي
ما علينا من خوي(ن)شايل(ن) في القلب عله=والعدو ما حّصل المعدوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يا عميلي قفل المعنا وصّل الفرض صله=قبل لا يدري بها قابوس والمذهب سعودي
واحد(ن) منا بسيفه لو غزا دار إستحله=جاك علمٍ ينشري بفلوس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
والله إنك مارضيت ولا رضينا فيك خله=ديرة العربان فيها إعسوس والمذهب سعودي
وانت منت بزايد(ن)عنا وخل الهرج خله=والمعاني حبلها ممسوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
الديار اللي خبرها فالجريده والمجله=ما بها غير الغصون إيبوس والمذهب سعودي
فاتك المكسب وراس المال هل الدمع هله=والسبايب حضك المعكوس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
حضنا مثل النجوم اللي على راسك مطله=عارف الريس من المريوس والمذهب سعودي
كم بكت عينك من أسباب العميل وكم شكتله=والبلا من حضك المنحوس والمذهب سعودي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
لا تعاندني وحضك بيت مالك فيه ضله=عارف الحابس من المحبوس والمذهب سعودي
انت تنطح فالجبال الراسيات المستقله=ما رزاها راسك المنكوس والمذهب سعودي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ما صِعب بيتك علي وعارف(ن)نقضه وفتله=من ضمير(ن)كلف الهاجوس والمذهب سعودي
وإن نوينا نضربك بالسيف ما نضرب بسله=ثم نقلع ضرسك المضروس والمذهب سعودي[/poem]

المحاورة الثانية

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
مرحبا من هجوسٍ ما تبيّن زعلها=تِفرح الناس ليلة عيدها يوم جاها
الحمول الثقيله مالها آلا جملها=يا مطر حبتك درنا عليها رحاها[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
البقا يا لمرحب والمواقف لهلها=جاتك الأوله والثانيه في سراها
الجمل بركوه لحملته وانتقلها=من جمال الرحيل اللي كثيرٍ رغاها[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
الجمل من هديره كل ميله عدلها=ما هناك المنام وقربتك طش ماها
كل نفسٍ تجازا من سبايب عملها=وانت ودك تكحلها وجيت بعماها[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يا بعيرٍ شرق في لقمته يوم اكلها=فالنحر لا تحير ولا تعود وراها
إن فتلها على راسك عميلك فتلها=وانت علتك ما يصعب علينا دواها[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
لا تجي للبعير اللي عدوده وصلها=وإن عطا الدرب تدّلي من شدوقه لهاها
من فتلها نقضها اللي برايه عقلها=يأخذ الطيبه والهينه ما يباها[/poem]


المحاوره اكثر من ذلك ولكن هذا هو الذي استحضره منها ، والذي إلى الأن عالق بالذاكره .
وتقبلو تحياتي،،،،،

يــآآآســــلآآآآآآآآم يــآآآســــلآآآآآم ...

بيـض الله وجهــكـ ووجــه شـآعرنـآ مطـر الهـذلــي ...

يـــآليت محــآوره مبـآشرـره في المنتـدى ..

صحت ألسنتكم

و بيض الله وجيهكم

شعار و شعركم يطلق وجيهكم


شكرا لك

بيض الله وجهك ياسهم هذيل وبيض الله وجهك ياعزالرفيق ولا عزيتم الا(من) عزكم وانا شاكر كثير الشكر والتقدير على مروركم مرور الكرام 0واما عن المحاورات اكون أثنا الدوام حاضر لامن وده يلعب معي ولاعندي أي مانع وشرف لي كبير لمشاركتكم معي ياعزوتي وربعي هذيل وعند انتها الدوام العذر يعذر لحيث لايوجد أرسال في الشبكة الخارجية 0وتقبلو تحياتي

الف شكر

والله من اجمل المحاورات الي سمعتها وقراتيها في هالمنتدى


بيض الله وجهك ووجه مطر

كلام من ذهب
ماشاء الله على الشاعرين مبدعين