ردي على قصيدة ياسر الصماني (الثانيه)

[poem=font="simplified arabic,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]

هلا يامرحبا ترحيب ماحده عدد وقياس=تراحيب الديار المجدبه بالغيث يحييها
ألا ياشاعرٍ تاخذ وتعطي والقصيد إحساس=تصوغ إحساسك الطيب قصايد ثم تهديها
ليا جات الهديه من ولد عمي عريب الساس=أعلقها وسام وتسمع العالم بطاريها
لو الرجال يتعب في دروب العز مابه باس=مادام إنه يحاول ياصل القمه ويبديها
صحيح إن الصعود لمن يريده يقطع الأنفاس=ولكن النهايه تسعد النفس وتهنيها
مثل ذاك الدوى اللي مر ماينذاق جوف الكاس=عليه يوصي الدكتور والعله يداويها
ومنهو عاش في الدنيا وجربها غنى وإفلاس=يمشيها لياهانت ولا صعبت يماشيها
ولاكل البشر تصدق ولاكل الطرق تنداس=ولاكل المعادن سعرها في السوق يغليها
تعلمنا من الدنيا وعاملنا كثير اجناس=ومامن ديره إلا جيتها وعرفت اهاليها
لقيناهم معادن مثل ما قالوا ذهب ونحاس=رجال نبيعها بارخص ثمن ورجال نشريها
ومنهو مثل ياسر في طريق العز مايحتاس=يوردها على العد القراح اللي يروّيها
من الصمان ربعي اللي تشب النار في المقباس=ليا دارت رحاة الحرب تطحن من يعاديها[/poem]