اهدا للشاعر حماد المطرفي

[poem=font="arial,5,#0000ff,bold,normal" bkcolor="" bkimage="" border="none,1," type=2 line=0 align=center use=ex num="0,"]

سلام الله سلام(ن) من هجوس(ن) تبدع الأشعار=هواجيسي تعد ابياتها والنفس مرتاحه


كتبت ابيات شعر(ن) تعجب الجمهور والشعّار=وميلادي فمكه ما ربيت فديرة الباحه


وانا احب الديار اللي عليها هلت الأمطار=تدن إرعودها وبروقها فالمزن لواحه


وجاك الدور يا حمّاد يا رعي الوفى والكار=تدور السالفه ما بيننا والمشي بالراحه


وراعي الطيب والمعروف له حشمه وله مقدار=وانا رجال امييز عن صدوق الرجل ومزاحه


ترى ما هو بعيب ان المسافر يقطع المشوار=ويرجع بالمراجل من قناة المجد والواحه


صبرنا فالحياه ولا زعلنا والفلك دوار=وقلبي سالي ين في دنيتي والسد ما باحه


وضعنا البن فالدله وفاح الهيل فوق النار=حطبها مشعلينه من شرار ازنود قداحه


نبا سوق التجاره والتجاره ربح للتجار=وكم من تاجر في سوقها ما ضيع ارباحه


رغبت البيع فيها والشراء لو غليت الأسعار=وباب المتجر الغالي معي قفله ومفتاحه


وانا رجال ادور من بساتين الثمار اثمار=وابقطف من ثماريها ثمر خوخه وتفاحه


وراع المعرفه مثل الوسام اللي عليه اشعار=مع العراف منزاله يسده عن هل الساحه


وسبحان الله اللي رازق(ن) عبده وطير(ن) طار=وضع للنمر ناب وللوعل قرنين نطاحه


واختمها بذكر اللي رفع سبع(ن) بدون اجدار=وحط الأرض واحيا نبتها بورود فواحه[/poem]